- No primeiro semestre de 2022, Mercadona doou o equivalente de máis de 180.200 carros da compra.
- A compañía apoia e colabora con máis de 410 comedores sociais, 60 bancos de alimentos e outras entidades benéficas de toda España e Portugal.
Mercadona, compañía de supermercados físicos e de venda en liña, doa 10.800 toneladas de produtos de primeira necesidade no que vai de ano, un 8 % máis que no mesmo período de 2021, cando doou 10.000 toneladas.
Vídeo en español
As doazóns, que son o equivalente de máis de 180.200 carros da compra, foron destinadas aos máis de 410 comedores sociais, 60 bancos de alimentos e outras entidades benéficas de España e Portugal cos que a compañía colabora.
Documento en español
Listado entidades sociales con las que colabora Mercadona
Ademais, Mercadona apoia outras iniciativas organizadas polos Bancos de Alimentos de España, como a “Gran Recollida” ou as “Operacións Quilo Virtuais”, nas que colabora cos seus recursos humanos e loxísticos. De feito, na última Operación Quilo Virtual da Primavera na que participou, a compañía puxo a disposición 1.402 tendas.
Unha política de acción social sostible integrada na estratexia de RSE de Mercadona
Mercadona, dentro do compromiso de compartir coa sociedade parte de canto recibe dela, desenvolve o seu Plan de Responsabilidade Social, que atende o compoñente social e ético a través de distintas liñas sostibles de actuación que reforzan a súa aposta polo crecemento compartido. Por exemplo, colabora intensamente con 32 fundacións e centros ocupacionais na decoración das súas tendas con murais de trencadís, elaborados por máis de 1.000 persoas con distintos graos de discapacidade.
Outra liña estratéxica do Plan de Responsabilidade Social de Mercadona é a sostibilidade medioambiental. Para iso, Mercadona conta cun Sistema de Xestión Ambiental propio, baseado nos principios da Economía Circular e enfocado á optimización loxística, a eficiencia enerxética, a xestión de residuos, a produción sostible e a redución de plástico. Nese sentido, destaca que Mercadona, xunto aos seus Provedores Totaler, traballa na Estratexia 6.25 para conseguir en 2025 un triplo obxectivo: reducir un 25 % de plástico, que todos os envases deste material sexan reciclables e reciclar todo o residuo plástico. Ademais, traballa no Proxecto de Distribución Urbana Sostible e na mellora da calidade do aire nas nosas cidades mediante camións e furgonetas propulsados por tecnoloxías máis limpas e eficientes.
Mercadona é socia dende o ano 2011 do Pacto Mundial das Nacións Unidas para a defensa dos valores fundamentais en materia de Dereitos Humanos, Normas Laborais, Medio Ambiente e Loita contra a Corrupción.