Mercadona, compañía de supermercados físicos e de venda en liña, participará na Recollida Virtual de Alimentos de Primavera que organizarán os Bancos de Alimentos de Andalucía a próxima semana e na que os ‘Xefes’ (clientes) da cadea de supermercados poderán colaborar cunha doazón monetaria na liña de caixa, seguindo a mesma metodoloxía que na pasada Gran Recollida celebrada en novembro de 2020.

A recollida virtual arrancará o próximo luns 31 de maio e finalizará o sábado 5 de xuño. Só se aceptarán doazóns monetarias que os clientes poderán realizar no momento da compra no lineal de caixas, sempre múltiplos de 1€. Finalizada a Recollida Virtual de Alimentos, Mercadona fará entrega do total recadado aos bancos de Alimentos en forma de tarxetas moedeiro, coa finalidade de que poidan facelas chegar ás persoas que as necesitan e estas poidan realizar a súa compra.

Pedro Mariscal, presidente da Federación de Bancos de Alimentos de Andalucía, quixo poñer en valor esta nova forma de doar ao considerar que “é unha solución que contribúe a dignificar o acto de compra do usuario e facilita o acceso a unha dieta máis equilibrada ao permitir unha compra á carta que contempla tamén os produtos frescos”. Así mesmo, quixo "agradecer a Mercadona a súa colaboración nesta recollida virtual de alimentos. Son uns momentos moi difíciles nos que a nosa actividade se está vendo multiplicada para poder garantir a cobertura alimentaria aos que máis o necesitan".

Pola súa parte, Laura Cruz, directora de Responsabilidade Social de Mercadona en Andalucía, sinalou que “a prestación de axuda social debe adaptarse aos novos tempos. Debemos aproveitar as posibilidades existentes e ser máis eficientes”. Destacou que a acción social da compañía contempla tanto a colaboración en operacións quilo como a doazón de alimentos de primeira necesidade. Neste sentido, avanzou que no que vai de ano, Mercadona doou a comedores sociais, bancos de alimentos e outras entidades sociais de Andalucía máis de 1.300 toneladas de alimentos, cifra que supón arredor de 22.100 carros da compra.  

Cartel en español:

Cartel informativo que se colocará nos supermercados para informar aos clientes da recollida virtual de alimentos.