Mercadona, compañía de supermercados físicos e de venda en liña, volveu solidarizarse un ano máis cos colectivos máis vulnerables e realizou un importante esforzo por ampliar a súa rede de colaboración con entidades sociais. En 2023 sumou 215 novas entidades de diversas zonas xeográficas tanto en España como en Portugal; isto mellorou considerablemente a vertebración da axuda que ofrece a compañía. “Sentímonos orgullosos de poder dicir que colaboramos con 762 entidades sociais, colaboración que se traduciu na entrega de 23.100 toneladas de produtos no conxunto do ano que equivalen a máis de 380.000 carros da compra”, apunta Laura Cruz, directora de Acción Social da compañía.

Vídeo en español

A implicación de Mercadona non se cinguiu unicamente á doazón de produtos básicos. A compañía tamén colaborou en campañas de captación como a Gran Recollida de Alimentos, que organizou a Federación Española de Bancos de Alimentos (FESBAL) do 24 ao 30 de novembro, grazas á cal entre a compañía e os seus “Xefes” (como internamente denomina os clientes) doaron 2,6 millóns de euros para a súa transformación íntegra en alimentos.

Nesta última edición, Mercadona puxo a disposición do proxecto un total de 1.632 tendas nas que realizou distintas actividades de coordinación e de comunicación para que os clientes puidesen efectuar as súas doazóns monetarias, en múltiplos de 1 euro, no momento da compra ao pasar pola caixa. “Avogamos por esta modalidade porque permite adaptar as doazóns ás necesidades reais dos beneficiarios e, ao mesmo tempo, multiplicar a súa eficiencia, xa que os bancos de alimentos poden adquirir os produtos que necesiten, nas cantidades oportunas e no momento que os necesiten”, aclara Laura Cruz.

Listaxe en español

 

 

Ademais, a compañía leva anos apostando tamén pola progresiva implantación e colaboración a través das Tarxetas Sociedade, ferramenta que permite canalizar a axuda aos usuarios dando a posibilidade de realizar a súa compra total, de frescos e secos, no supermercado. “Este movemento contribúe a dignificar o acto de compra, integrar o usuario e contribuír a mellorar a súa situación de vulnerabilidade”, apostila a directiva.

Unha política de acción social sostible integrada na estratexia de RSE

Mercadona mantén un compromiso constante cos ámbitos nos que ten presenza e impulsa, ano tras ano, iniciativas sociais, medioambientais e de goberno responsables, que impacten positivamente na súa actividade. Neste marco, a compañía é dende 2011 socia do Pacto Mundial das Nacións Unidas España, iniciativa mediante a cal a Organización das Nacións Unidas promove os Obxectivos de Desenvolvemento Sostible (ODS).

Nesta liña, Mercadona mantén activo un Plan de Acción Social propio co que, ano tras ano, reforza os seus vínculos coa sociedade a través de valores que considera irrenunciables, como o diálogo, a transparencia e a escoita activa. Mediante eles, constrúe relacións estables nas zonas nas que ten presenza, aposta pola proximidade e estreita os vínculos para detectar as súas necesidades específicas e achegar solucións concretas froito do consenso e do entendemento mutuo. Como parte desta política, Mercadona colabora con 762 entidades, ás que en 2023 doou 23.100 toneladas de alimentos.

Así mesmo, Mercadona continúa desenvolvendo o seu Proxecto Trencadís, mediante o cal colabora na incorporación laboral de persoas con discapacidade intelectual que fabrican os murais decorativos situados na sección de peixería das tendas.

Outra liña estratéxica do Plan de Responsabilidade Social de Mercadona é a sostibilidade medioambiental. Para iso, Mercadona conta cun Sistema de Xestión Ambiental propio enfocado en 3 eixes principais: produción sostible, economía circular e descarbonización. Nestes 3 eixes inclúense liñas de actuación específicas, como por exemplo a optimización loxística, a eficiencia enerxética, o benestar animal e a prevención, xestión e valorización de residuos. Nese sentido destaca que Mercadona, xunto aos seus provedores, traballa no Proxecto de Distribución Urbana Sostible e na mellora da calidade do aire nas cidades mediante camións e furgonetas propulsados por tecnoloxías máis limpas e eficientes.

Pensando na mobilidade sostible do “Xefe” (cliente), a empresa dispón xa de 1.350 prazas de aparcadoiro con Puntos de Carga para Vehículos Eléctricos (PCVE) situadas nos aparcadoiros de máis de 500 tendas. Mercadona comezou a instalar estes puntos de carga en 2017, coa implantación do Modelo de Tenda Eficiente, e prevé seguir aumentando esta cifra nos próximos anos. Do mesmo xeito, continuará instalando paneis solares nas súas tendas como exemplo de aposta polo investimento en enerxías renovables.

Mapa de entidades coas que colabora Mercadona.