Mercadona únese á Gran Recollida de Alimentos 2020 organizada pola Federación de Bancos de Alimentos poñendo a disposición da campaña os seus puntos de venda para a recadación de fondos e así axudar ás persoas que máis o necesitan nestes momentos. A iniciativa ten lugar durante toda esta semana, do 16 ao 22 de novembro. 

Como novidade, para a Gran Recollida só se aceptan doazóns monetarias que os clientes poden doar no momento da compra no lineal de caixas. A cifra doada debe ser sempre múltiplo de 1 €.

Dende hai anos, Mercadona colabora con esta iniciativa e o compromiso como compañía é animar aos clientes a participar nesta recollida solidaria. Toda a información sobre a Gran Recollida de Alimentos está na web da Federación Española de Bancos de Alimentos (FESBAL).

Vídeo en español

Tendas participantes de Mercadona na Gran Recollida de Alimentos

Documento en español

 

Doazón de alimentos de Mercadona 2020

Mercadona está moi concienciada coa situación actual e por iso, ao longo do ano, reforzou as súas doazóns a bancos de alimentos e entidades sociais. Na primeira metade de 2020 a compañía duplicou as doazóns respecto ao mesmo período de 2019 con máis de 10.000 toneladas de alimentos doados, o equivalente a máis de 140.000 carros da compra.

Este compromiso solidario é parte do modelo de Mercadona, que ten o obxectivo de devolverlle á sociedade parte de canto recibe dela. Así mesmo, Mercadona ten implantadas varias estratexias para evitar e previr o desperdicio de alimento dentro de todos os seus procesos.