Mercadona, compañía de supermercados físicos e de venda en liña, dentro do seu Modelo Responsable mantén un compromiso por estar ao lado dos colectivos máis desfavorecidos. A compañía continúa reforzando o seu proceso de doazóns con novos acordos. Neste sentido, Mercadona e o Banco de Alimentos de Córdoba asinaron un convenio de colaboración para entregar diariamente produtos de primeira necesidade a 14 entidades de Córdoba capital e provincia.  

Dende o pasado mes de agosto reciben produtos diariamente a asociación Reto, o centro de rehabilitación Peniel, o Proxecto Home, a residencia de Los Dolores, o mosteiro de La Purísima Concepción (Hinojosa del Duque), a asociación Nueva Aurora (Lucena), o hospital de San Sebastián (Palma del Río), o mosteiro de Santa Clara e Las Hermanitas de los Ancianos Desamparados (Montilla), a asociación Semillas de Futuro (Montoro), a residencia Santa Bárbara (Peñarroya-Pueblonuevo), Acuide (Pozoblanco) e a Fundación Mármol (Priego de Córdoba).

Rafael Revuelto, presidente do Banco de Alimentos de Córdoba, agradece esta iniciativa de Mercadona “na que traballamos moito ambas as dúas entidades e grazas á cal máis de 1.000 persoas de toda a provincia xa teñen acceso a produtos frescos e de calidade diariamente”. Así mesmo, Revuelto dá as grazas a Mercadona pola xenerosa doazón de máis de 3.000 quilos de atún, así como a entrega de material informático, 10 ordenadores portátiles e unha impresora para as súas oficinas que permitirán adiantar o proceso de dixitalización no que están inmersos.  

A compañía, no seu firme compromiso de estar ao lado dos colectivos máis desfavorecidos, intensifica o seu Modelo Responsable colaborando cos bancos de alimentos, comedores e outras entidades sociais de Córdoba, provincia na que doou no que vai de ano 2022 máis de 127 toneladas de alimentos, o que equivale a 2.123 carros da compra. Mercadona persegue un único obxectivo: facer o que faga falta para dar resposta ás necesidades das persoas máis vulnerables.

Pola súa parte, Noelia Conrado, Relacións Externas de Mercadona en Córdoba, sinala que “esta nova colaboración reafirma o compromiso social da compañía e fainos sentir moi orgullosos de poder achegar o noso gran de area a estas entidades, axudándolles a que poidan seguir desempeñando o seu labor”.

Unha política de acción social integrada na estratexia de RSE de Mercadona

Un dos compromisos que Mercadona mantén coa sociedade é devolver parte de canto recibe dela. Con este obxectivo, desenvólvese o Plan de Responsabilidade Social da compañía, que atende o compoñente social e ético a través de distintas liñas de actuación sostibles que reforzan a súa aposta polo crecemento compartido.

Xunto á doazón de alimentos, Mercadona colabora con 32 fundacións e centros ocupacionais na decoración das súas tendas con murais de trencadís, elaborados por máis de 1.000 persoas con discapacidade intelectual.

Outra liña estratéxica do Plan de Responsabilidade Social é a sostibilidade. Para iso, conta cun Sistema de Xestión Ambiental propio, baseado nos principios da economía circular e enfocado á optimización loxística, a eficiencia enerxética, a xestión de residuos, a produción sostible e a redución de plástico.

Nese sentido, Mercadona, xunto cos seus provedores Totaler, traballa na Estratexia 6.25 para conseguir en 2025 un triplo obxectivo: reducir un 25 % de plástico, que todos os envases deste material sexan reciclables e reciclar todo o residuo plástico. Ademais, traballa no Proxecto de Distribución Urbana Sostible e na mellora da calidade do aire nas nosas cidades mediante camións e furgonetas propulsados por tecnoloxías máis limpas e eficientes.

Dende o ano 2011 é socio do Pacto Mundial das Nacións Unidas para a defensa dos valores fundamentais en materia de dereitos humanos, normas laborais, medio ambiente e loita contra a corrupción.

A Asociación Reto recollendo os produtos diarios nunha das tendas de Mercadona en Córdoba.

Responsables do Banco de Alimentos e Mercadona en Córdoba durante a entrega da doazón de 3.000 kg de atún.