Gustaríache ter a pel do teu rostro limpa e radiante? A limpeza facial é unha rutina de beleza básica para ter a cute perfecta e libre de impurezas. Non obstante, poucas persoas saben como facelo correctamente e, moito menos, convertelo nun hábito diario.
Ensinámosche a limpar a pel do teu rostro a fondo. É moi fácil! Basta con que sigas os pasos que che indicamos no noso vídeo-titorial.
Pasos que hai que seguir para unha correcta limpeza facial
Produtos necesarios:
- Desmaquillador de ollos e labios bifásico.
- Leite limpador ou auga micelar
- Xel limpador á auga
- Tónico ou auga de avea
- Discos desmaquillantes
Limpeza facial diaria en 4 pasos
1. Elimina a maquillaxe dos ollos e labios co Desmaquillador Bifásico e un disco desmaquillante, realizando movementos lixeiros. Preme suavemente uns segundos sobre as pestanas e, a continuación, limpa con movementos cara a abaixo. Despois, retira o exceso de maquillaxe da zona inferior do ollo.
2. Desmaquilla e limpa o rostro, pescozo e escote co Leite Limpador. Sen fregar, con movementos suaves e evitando o contorno dos ollos. Ou desmaquilla e limpa coa Auga Micelar.
3. Completa a limpeza co Xel Limpador á Auga. Humedece a pel e aplica o xel coas mans mediante movementos circulares evitando o contacto cos ollos. Aclara con abundante auga para retirar o produto e seca cunha toalla e delicados toques.
4. Suaviza e refresca a pel co Tónico Facial. Aplica cun disco a base de toques coidadosos sen fregar. Ou coa Auga de Avea pulverizando no rostro, pescozo e escote.
Podes realizar esta rutina diaria tanto de día pola mañá como pola noite antes de ir durmir.
Limpeza facial semanal
Unha vez á semana podes limpar a túa pel en profundidade seguindo os seguintes pasos:
1. Exfolia: humedece a pel e masaxea o Exfoliante Facial con movementos circulares na fronte, nariz, queixo e escote. Aclara con abundante auga e seca cunha toalla a suaves toques.
2. Aplica a Mascarilla Facial Limpadora coa pel limpa e seca:
- Masaxea coas mans o contido do sobre antes de abrilo.
- Saca a máscara e desprégaa.
- Colócaa sobre o rostro e retira a capa protectora branca.
- Deixa actuar durante 20 minutos e retira sen necesidade de aclarar.
Outras recomendacións
Se buscas revitalizar a túa pel, proba o noso Programa de Beleza Global Anti-Age.