O intestino é o meirande órgano inmunolóxico do organismo. De feito, unha gran parte das células que participan nas defensas naturais encóntranse ao longo do tracto dixestivo. É por iso que un sistema dixestivo saudable contribúe para un sistema inmunitario reforzado.

Unha boa alimentación baseada en nutrientes de alta calidade e a presenza de prebióticos no alimento, como o que ofrece o penso Compy para cans, axuda ao bo funcionamento das defensas do organismo da túa mascota.

Prebióticos no penso Compy para cans

Que son os prebióticos e cales os seus beneficios?

Os prebióticos, presentes no penso Compy para cans, son compostos que axudan a estimular de xeito selectivo o crecemento ou a actividade das bacterias beneficiosas no colon, actuando como alimento para elas.

Unha das principais funcións do intestino é a absorción dos nutrientes presentes no alimento, de maneira que a presenza de prebióticos axuda a minimizar os procesos diarreicos, ao tempo que favorece a dixestión e a absorción de nutrientes, ben como o sistema inmunolóxico.

Ademais, durante a gravidez ou a lactancia da túa mascota, os prebióticos contribúen a unha protección inmunolóxica mellorada dos cadeliños, a través do calostro e o leite.

Prebióticos máis comúns

Os prebióticos máis utilizados para cans son os manano-oligosacáridos (MOS), β-glucanos e fructooligosacáridos (FOS):

• Os β-glucanos reforzan as defensas do organismo activando as células chave do sistema inmune, actuando contra diferentes patóxenos nos primeiros momentos da infección. Todo iso tradúcese nun maior benestar intestinal e nun sistema dixestivo saudable e efectivo.
• Os MOS capturan as bacterias patóxenas causantes de trastornos dixestivos, facilitando a súa eliminación a través das feces, o cal favorece o desenvolvemento das bacterias naturais (bifidobacterias e lactobacillus).
• Os FOS son un tipo de fibra soluble que favorece o crecemento de bacterias beneficiosas do intestino groso (lactobacilus ou bifidobacterias), contribuíndo para a inhibición de bacterias patóxenas como Escherichia coli, Shigella ou Samonella.

Por tanto, coa incorporación de prebióticos no penso Comby para cans, axúdase a manter unha flora intestinal equilibrada, o cal virá a se traducir nun sistema dixestivo máis saudable e efectivo e, en consecuencia, nun sistema inmunolóxico máis eficiente.

Outras Recomendacións

Se queres coñecer a variedade de pensos para cans de Mercadona de que dispomos, recomendámosche leres este artigo.

Convidámoste tamén a coñecer cales son os procesos de fabricación dos pensos Compy e os controis de calidade dos pensos de Mercadona.