Se aínda non probaches a nosa selección de lasañas e canelóns non sabes o que estás perdendo. Temos diferentes opcións para elixir: de carne, peixe ou con verduras. Ademais, podes elixir entre pratos refrixerados e conxelados. Deliciosos e moi fáciles de preparar e consumir: basta con quentar e saborear.

Que lasañas e canelóns podes encontrar en Mercadona?

As nosas lasañas e canelóns elabóranse a base de alimentos frescos, poñendo o máximo coidado en cada detalle, como o sabor, a textura e a presentación. Elixe o teu prato favorito!

Lasañas e canelóns refrixerados

Unha elección perfecta e moi práctica para aqueles que buscan unha comida rápida, pero deliciosa. Listos para quentar e servir en cuestión de minutos, a solución máis directa para un xantar ou unha cea familiar improvisada.

• Lasaña boloñesa:

Unha receita típica da cociña italiana moi apreciada en todo o mundo. O segredo está na deliciosa salsa elaborada de maneira tradicional con carne de primeira calidade (mestura de vacún e porcino), tomate, cebola, allo... Un pracer indescritible!

Dispoñible en dous formatos:

• 350 g: unha bandexa individual que che ofrece a porción perfecta para unha comida rápida e deliciosa, lista nun momento.
• 700 g: a opción ideal para compartir con familiares ou amigos. Apropiada para un xantar ou unha cea en compañía.

• Lasaña de espinacas e requeixo:

Destaca pola suave mestura de espinacas, piñóns e requeixo que presenta o seu recheo. Unha opción vexetal exquisita!

• Lasaña de salmón e brócoli:

Outro tipo de lasaña que triunfa sempre. Ten como principais ingredientes o salmón e o brócoli, sabores que combinan á perfección para quen busca unha opción sen carne. Próbaa!

• Canelóns de carne, boletus e trufa:

Se prefires os canelóns, encantaranche os que temos nas nosas tendas. Preparados cun saboroso recheo de carne con boletus e aceite de trufa. Para chupar os dedos!

Modo de preparación

Preparar calquera destes pratos é moi sinxelo. Só hai que:

• Retirar a faixa e o filme da barqueta.
• Meter a lasaña no microondas e quentar 3/4 minutos a máxima potencia.
• Non utilizar o gratinador.

Lasañas e canelóns conxelados

Se queres ter sempre á man unha comida deliciosa, este é un excelente recurso para telo no teu conxelador e aproveitalo no momento menos pensado. Terás unha exquisita lasaña ou uns apetitosos canelóns listos nuns minutos e sen apenas esforzo. Só tes que meter no forno directamente dende o conxelador para gozar dun prato completo.

• Lasaña á boloñesa:

Unha delicia clásica, sempre á man, tamén en formato conxelado. Combina a riqueza dunha salsa de carne saborosa con capas de pasta tenra e cunha cobertura de queixo gratinado crocante e zumarenta. Non a perdas!

Para adaptarnos ás túas necesidades, ofrecémosche esta lasaña en dous tamaños:

• 600 g: inclúe dúas bandexas individuais. Cada bandexa ofrece unha porción que asegura unha comida completa e satisfactoria.
• 1,1 kg: tamaño familiar para compartir con familiares e amigos. Ideal para ceas familiares, celebracións varias ou simplemente cando desexas un pouco máis do teu prato favorito.

• Lasaña de atún:

Se es amante da pasta e gozas co inconfundible sabor do atún, esta é unha opción irresistible para os teus xantares e as túas ceas. Unha combinación deliciosa e nutritiva que mestura zumarento atún e salsa de tomate rica e cremosa bañando a pasta. Apúntaste?

Dispoñible nun formato de 600 g, que inclúe dúas bandexas individuais.

• Lasaña de verduras:

Unha opción lixeira, nutritiva e deliciosa para os teus xantares e as túas ceas, que inclúe unha rica selección das mellores verduras. Vaste resistir a esta combinación de sabores frescos e naturais?

Encontrarala nun formato de 600 g, composta por dúas bandexas individuais.

• Canelóns de carne:

Con recheo dunha mestura saborosa e gratinados ata alcanzar un crocante perfecto, estes canelóns son outro prato principal ideal para os teus xantares e ceas. Moi fáciles de preparar, garanten sabores intensos e texturas reconfortantes.

Dispoñibles en dous formatos:

• 600 g: contén dúas bandexas individuais. Podes gozar dunha porción agora e gardar a outra para máis tarde, ou compartir con alguén especial.
• 1,1 kg: tamaño familiar ideal para compartir con familiares e amigos. Perfecto para unha cea en grupo.

Modo de preparación

Sigue o mesmo proceso de preparación con todas as lasañas e canelóns conxelados:

Formatos 600 g

• Microondas (recomendado): retira o filme protector de plástico e introduce o produto, directamente do conxelador, no microondas. Quenta a: 700 W durante 8-9 minutos / 1000 W durante 7-8 minutos.
• Forno: quenta o forno a 200 °C. Retira o filme protector de plástico e introduce o produto, directamente do conxelador, na reixa central. Enforna 40 minutos a 200 °C. Se o forno ten ventilador, enforna durante 25 minutos a 200 °C. Non utilices forno de lapa.
• Frixideira de aire: quenta previamente 5 minutos o equipo a 180 °C. Sen desconxelar, retira o envoltorio e coloca o produto dentro da frixideira de aire. Quenta 20 minutos a 180 °C para un aparato de 1800W.

Formatos 1,1 kg

• Forno: quenta o forno a 200 °C. Retira o filme protector de plástico e introduce o produto, directamente do conxelador, na reixa central. Enforna 55 minutos a 200 °C. Se o forno ten ventilador, enforna durante 45 minutos a 200 °C.

Preguntas Frecuentes

Onde se reciclan as bandexas de madeira da lasaña e dos canelóns refrixerados?

Recíclanse no contedor amarelo. Este envase de madeira é biodegradable, xa que procede de fontes naturais, e é 100 % reciclable.

Outras recomendacións

Seguindo con inspiración italiana, prepárate para descubrir toda a diversidade das nosas Pizzas frescas.

Ademais das nosas lasañas e canelóns conxelados, temos unha ampla selección de produtos aptos para cociñar con frixideira de aire: peixe rebozado, verduras conxeladas, croquetas, etc.

Se che gusta o Polo asado, tamén podes gozar deste delicioso prato, listo para quentar e servir nuns minutos.