Este verán goza do sabor delicioso e refrescante da nosa selección de xeados e as súas tentadoras novidades. Dende os clásicos de sempre que nunca pasan de moda ata outras combinacións que te sorprenderán, os nosos xeados son os teus aliados especiais para os días calorosos do verán.

Perfectos para calquera ocasión, non perdas a nosa rica variedade!

Xeados en vaso

Os nosos xeados en vaso son unha proposta irresistible: variedade de delicias cremosas e cheas de sabor en cada cullerada.

• Ovo de chocolate: suxerímosche esta mestura que recorda os clásicos ovos de chocolate, un xeado que combina o sabor cremoso do chocolate branco cunha deliciosa crema de cacao e abelás. Próbao!
• Cookie Dough: outra doce tentación é o noso xeado de crema de vainilla con anacos de masa de galleta con pebidas de chocolate e salsa caramelo. Se buscas un capricho especial, este é o teu xeado.
• Biscuit: xeado sabor galleta con anacos de galleta e salsa de galleta acaramelada. O feliz encontro entre a suavidade do xeado coa galleta crocante e a rica dozura da salsa. Dálle gusto ao teu padal!
• Peanut Butter cups: outro xeado que desata paixóns. Con sabor a cacahuete e anacos de tortaleta de chocolate con leite, con recheo de crema de cacahuete. Apúntate ao sabor clásico do chocolate americano con cacahuete.
• Stracciatella: unha versión exquisita en vaso do noso xeado de stracciatella, que combina a cremosidade do xeado con xenerosas labras de chocolate crocante. Déixate seducir polo incomparable sabor e pola textura desta xoia xeada.

Dochi Banoffee e Cookie Caramel

Dúas propostas que che ofrecen o mellor da tradición doce con innovacións e combinacións irresistibles. Que non cho conten!

• Dochi Banoffee: baseado nunha sobremesa típica xaponesa, este xeado de torta de plátano, recuberto por unha deliciosa masa de galleta e salsa interior de doce de leite, sorprendeu dende a súa chegada. Máis que un xeado, unha experiencia doce diferente.
• Cookie caramel: xeado sabor galleta, con salsa de caramelo no seu interior e complemento crocante de galleta con manteiga. Presentado nun formato clásico de cucurucho de barquillo con sabor a galleta acaramelada. Valo perder?

Outras recomendacións

Prefires os Xeados de sándwich? Escolle entre as nosas opcións súper nata, nata, vainilla, mini...

Ten un capricho cos nosos Xeados de pau, que che propoñen as experiencias refrescantes máis variadas e divertidas.

Combate a calor e mantén hidratado o teu organismo coa nosa familia de Refrescos de Té.