- O Concello de Sevilla concede licenza de obras á cadea de supermercados, que prevé poñer en marcha o seu novo servizo de compra en liña a finais de 2022.
- O investimento de Mercadona neste proxecto superará os 14 millóns de euros.
A Xerencia de Urbanismo do Concello de Sevilla concedeu a Mercadona, empresa de supermercados físicos e de venda en liña, licenza de obras para a construción dun almacén exclusivo para a venda en liña, co que desenvolver o seu proxecto de compra a través de Internet en Sevilla. Este almacén, que a compañía denomina internamente "Colmea", comezará a construírse o próximo mes de xaneiro e supoñerá un investimento de 14 millóns de euros. A previsión de Mercadona é que inicie a súa actividade a finais de 2022 e unha vez operativo, dará servizo á cidade de Sevilla e localidades limítrofes.
Mercadona construirá o seu almacén exclusivo para a venda en liña sobre unha parcela de 30.220 metros cadrados na zona de Higuerón Sur, que foi adxudicada á compañía en proceso de licitación pública por parte da Xerencia de Urbanismo do Concello de Sevilla por 10,8 millóns de euros.
Mercadona ten na actualidade tres centros destas características, sitos en Valencia, Barcelona e Madrid. Este último iniciou a súa actividade en abril de 2020, en pleno confinamento, dado que a compañía intensificou o seu proceso de innovación dixital para seguir conectada ás necesidades dos clientes.
Mercadona en Sevilla
A compañía, cun cadro de persoal con emprego estable e de calidade de 4.473 persoas na provincia de Sevilla, conta con 72 supermercados e un bloque loxístico situado no municipio de Huévar del Aljarafe, onde Mercadona construíu unha nova nave de peixe de 7.000 metros cadrados que iniciou a súa actividade en novembro. O investimento da compañía na provincia superou os 50 millóns de euros en 2021.
Fachada da primeira "Colmea" de Mercadona Online, en Vara de Quart, Valencia.