Mercadona, consciente da importancia de coidar o planeta e do papel crucial que ten a adopción de prácticas máis sostibles para a sociedade, conta cun compromiso para facer fronte aos desafíos ambientais da actualidade.

A compañía dispón dun Sistema de Xestión Ambiental propio que busca identificar, previr e reducir os impactos dos seus procesos no ámbito a través de estratexias relacionadas coa Optimización loxística, Eficiencia enerxética e RXestión responsable dos residuos, o Desperdicio alimentario ou a Biodiversidade.

Vídeo en español

5 das estratexias de Mercadona para coidar o medio ambiente

Optimización loxística:

Mercadona é pioneira en optimización loxística e descarbonización do transporte.

• Transportar máis con menos recursos: Unha das medidas para minimizar o impacto é “Transportar máis con menos recursos”. Trátase de optimizar cada traxecto, reducindo o número de desprazamentos e minimizando a conxestión do tráfico, entre outros. As caixas verdes para froita e verdura de Mercadona é outra das medidas que, ao seren pregables, contribúe a eliminar 107.072 traxectos de camión ao ano, reducindo as emisións de CO₂.
• Transporte sostible: Mercadona está inmersa na busca de modos de transporte máis sostibles, con combustibles alternativos, e de estratexias para mellorar a última milla.

Un dos últimos exemplos é a proba de cabezas tractoras cen por cen eléctricas. Dende 2015, Mercadona foi a primeira empresa do sector en España en realizar probas con tractoras 100 % eléctricas, así como en dispoñer dunha frota de camións renovada. Este avance permitiulle a Mercadona deixar de emitir máis de 85.000 toneladas de CO₂ e alcanzar unha redución do 27 % de emisións por cada palé transportado.

Outras medidas de optimización loxística en Mercadona:

• Transporte menos contaminante: Mercadona emprega camións a gas, frota EURO 6 ou superior, furgonetas ECO e transporte ferroviario. Ademais, incorporáronse camións bitráiler e megatráiler, que permiten transportar máis con menos desprazamentos.
• Mellora nos equipos de frío dos camións e das furgonetas a través da implementación de refrixerantes naturais máis eficientes. 
• Adhesión a iniciativas como Lean & Green, cuxo obxectivo é a mellora continua en eficiencia loxística.

Estas accións de Mercadona están en liña cos compromisos de emisións neutras do Pacto Verde Europeo, marcando un fito no proceso de descarbonización do transporte cara a 2050.

Eficiencia enerxética:

Mercadona implementou dende 2016 un modelo de tenda eficiente que promove un menor consumo enerxético, e que inclúe medidas como:

• Uso de sistemas de iluminación eficientes e placas solares nas cubertas

• Equipos e maquinarias de última xeración, como conxeladores cerrados.

Xestión de residuos:

Mercadona traballa a redución do consumo de materias primas e a xeración de residuos. Todo iso, a través de estratexias que promoven a reutilización e a reciclaxe. Estas estratexias están enfocadas en:

• Redución de residuos: Mallas reutilizables para froitas e verduras, que reducen o consumo de plástico ou bolsas de caixa reutilizables cun 70 % de plástico reciclado obtido ao reciclar o filme plástico xerado nas Tendas e nos Almacéns.
• Valorización de residuos: buscando formas de reciclar e dar unha segunda vida aos residuos xerados na actividade diaria.

A valorización de residuos contribúe a reducir a cantidade de refugallos que acaban en vertedoiros, diminuíndo así os impactos ambientais.

Estas son algunhas das estratexias de valorización de residuos en Mercadona:

• Reciclaxe do filme plástico, que se reincorpora como plástico reciclado nas bolsas de caixa  reutilizables e  cun 70 % de plástico reciclado.
• Valorización de envases de cartón para fabricar novos envases como por exemplo a caixa agrupadora dos briks de leite.
• Transformación dos subprodutos de carne e peixe (SANDACH) en materia prima para alimentación animal.
• Separación do residuo orgánico en máis de 450 tendas que se aproveita para realizar compost para cultivos ou para fabricar biogás que se emprega como combustible para o trasporte urbano e/ou camións do lixo.
• Utilización do aceite de fritura das tendas con Listo para Comer para fabricar biodiésel, é dicir, biocombustible para vehículos.

Desperdicio alimentario:

Os responsables das tendas de Mercadona modulan os pedidos de produtos Frescos sobre a base da previsión de venda, que se calcula cunha ferramenta informática de elaboración propia, que toma como referencia datos históricos de venda e múltiples factores.

Ademais, se un produto non se vende e é apto para o consumo, dóase ás máis de 750 entidades sociais coas que a compañía colabora. En caso de que os produtos de alimentación no sexan aptos para a doazón, entréganse a xestores autorizados.

Biodiversidade:

Na súa estratexia de xestión ambiental, Mercadona aposta pola biodiversidade. Por iso:

• Implementa cubertas e xardíns verticais en varios supermercados, achegando beneficios medioambientais para a sostibilidade urbana.
• Avalía as súas instalacións periodicamente para evitar impactos en áreas de gran biodiversidade.

Outros exemplos de xestión ambiental de Mercadona

Estas son 5 das estratexias de xestión ambiental de Mercadona, non obstante, tamén traballa noutras estratexias sostibles como a instalación de puntos de recarga para vehículos eléctricos. Neste sentido, a compañía está ampliando a súa rede de recarga semirrápida co obxectivo de mellorar o servizo, pasando de dar 3,7 a 22 kW. Para iso, ten previsto investir 21 millóns de euros para implantar aproximadamente 5.000 puntos de recarga semirrápida, convertendo a rede de recarga de Mercadona nunha das maiores redes privadas de España e do sur de Europa.

Un modelo de empresa responsable

O coidado do medio ambiente desempeña un papel fundamental no cumprimento dos Obxectivos de Desenvolvemento Sostible (ODS) do Pacto Mundial. A compañía é socia desta iniciativa dende 2011 e traballa de forma constante para promover prácticas máis sostibles e dar resposta a aqueles obxectivos nos que máis inflúe o impacto da súa actividade.

A través do Sistema de Xestión Ambiental de Mercadona, a compañía cumpre cos Obxectivos de Desenvolvemento Sostible.