- Mercadona dispón dunha estratexia de optimización loxística para cada vez “transportar máis con menos recursos naturais”.
- A aposta polo transporte sostible forma parte da súa política de xestión medioambiental para reducir o impacto da súa actividade.
- A compañía tamén lles ofrece opcións de transporte sostible aos seus clientes como 1.200 puntos de recarga para vehículos eléctricos, aparcadoiros para bicicletas ou a compra en liña.
A optimización loxística é un dos piares fundamentais da política de protección do medio ambiente de Mercadona. O obxectivo é “transportar máis con menos recursos naturais”, apostando por un transporte sostible que permita manter a excelencia loxística co menor impacto ambiental posible.
Vídeo en español
A frota de camións de Mercadona pertence á categoría Euro VI ou superior, as menos contaminantes. Outros exemplos da aposta polos vehículos sostibles en Mercadona son os camións propulsados a gas, en substitución do gasóleo, as furgonetas eléctricas para as reparticións a domicilio, ou os megatráileres ou bitráileres, capaces de transportar, a diferentes temperaturas e con menos combustible, ata 60 palés nunha soa viaxe.
Outra das apostas de Mercadona é a descarga nocturna silenciosa dos camións, estratexia xa implantada en máis de 700 tendas, que contribúe a respectar máis aos veciños, así como a reducir o tráfico e a contaminación ao evitar as horas-punta nos núcleos urbanos.
Ademais do uso de transporte sostible, a alta taxa de enchido de camións, a optimización das rutas ou a loxística inversa - baseada en aproveitar todas as rutas como, por exemplo, recoller da tenda residuos ou caixas para a súa reutilización-, son tamén estratexias fundamentais para conseguir a máxima eficiencia loxística reducindo o impacto ambiental da actividade.
Medidas de transporte sostible en Mercadona.
Opcións de transporte sostible para os clientes de Mercadona
Dende Mercadona ofrécenselles alternativas aos clientes para que poidan realizar a súa compra facendo uso dun transporte máis sostible poñendo á súa disposición, por exemplo, 1.200 puntos de recarga para vehículos eléctricos nas súas tendas (1 de cada 6 puntos deste tipo en España están en tendas Mercadona), aparcadoiros para bicicletas ou o propio servizo de compra en liña, baseado en reparticións máis eficientes que reducen o uso do vehículo privado.
Política de Medio Ambiente de Mercadona
Mercadona dispón dende hai anos dun sistema de xestión ambiental propio co obxectivo de reducir o impacto dos seus procesos. A compañía investiu máis de 40 millóns de euros en protección do medio ambiente o pasado exercicio. A política medioambiental de Mercadona céntrase en tres áreas: aforro enerxético, optimización loxística e xestión responsable dos residuos.
Imaxe de cabeceira: Imaxe de camión a gas de Mercadona.