Mercadona volveu ser recoñecida como mellor empresa do sector da distribución xeralista e a segunda a nivel xeral para atraer e reter talento, segundo queda reflectido nos resultados de Merco Talento.

Esta clasificación está elaborada polo Monitor de Reputación Corporativa, un dos principais monitores empresariais de reputación corporativa de referencia en España e Latinoamérica dende 2006, e engloba as 100 empresas que teñen máis capacidade para captar e conservar o seu cadro de persoal en España.

Na elaboración da devandita edición participaron máis de 38.000 persoas que valoraron e avaliaron tanto a xestión dos recursos humanos das empresas como as distintas dimensións reputacionais relacionadas co talento, tales como atractivo laboral, posibilidades de promoción ou política retributiva.

Mercadona móstrase moi orgullosa dos resultados desta edición, pois leva consigo un recoñecemento ao traballo das máis de 95.000 persoas que forman parte do Proxecto Mercadona. Todo iso nun ano en que se viviron varias situacións impredicibles ás que todo o cadro de persoal se enfrontou con compromiso e dedicación.

As condicións laborais de Mercadona

En Mercadona, O Traballador é un dos seus principais compoñentes. Así, o seu modelo de Recursos Humanos ofrece un traballo estable e de calidade, con salarios por enriba da media do sector, formación e a posibilidade de ascender internamente.

As condicións dos traballadores de Mercadona tamén foron recoñecidas pola Organización Internacional do Traballo (OIT) en canto a emprego estable e de calidade.

Imaxe de cabeceira: Oliver, traballador do supermercado de Paseo de la Habana en Madrid.