- Na súa aposta pola froita e verdura de proximidade, a compañía aposta polo aguacate procedente de campos situados en Andalucía e na Comunitat Valenciana para a campaña 2022 na Península e Baleares, que vai de xaneiro a abril.
- A compañía comprou na campaña anterior máis de 6.500 toneladas.
A aposta de Mercadona, compañía de supermercados físicos e de venda en liña, polos produtos frescos e de proximidade, provoca que a compañía teña previsto comprar máis de 8.400 toneladas de aguacate orixe España nesta tempada que vai de xaneiro a abril na Península e Baleares, un 30 % máis que o ano pasado cando comprou máis de 6.500 toneladas.
A compañía colabora durante todo o ano con provedores locais, cuxos campos se sitúan en Andalucía e na Comunitat Valenciana.
Froitas e verduras de tempada
Mercadona apoia a iniciativa do Ministerio de Agricultura, Pesca e Alimentación “Froitas e Verduras de tempada”. Así mesmo, Mercadona defende as prácticas comerciais xustas e dende hai anos está adherida ao Código de Boas Prácticas Mercantís na Contratación Alimentaria. Este acordo voluntario, que supón un novo paso na promoción de prácticas comerciais xustas, enmárcase na Lei de Medidas para Mellorar o Funcionamento da Cadea Alimentaria e está impulsado polo Ministerio de Agricultura, Pesca e Alimentación (MAPA) en colaboración con distintas asociacións de toda a cadea agroalimentaria nacional.
Aguacate de orixe España no lineal de Mercadona.
Aguacate de orixe España no campo.