Mercadona, compañía de supermercados físicos e de venda en liña, inviste máis de 60 M€ na optimización e modernización da súa nave para frescos do bloque loxístico situado en Riba-Roja del Túria (Valencia). A compañía, que prevé iniciar as obras ao longo do primeiro semestre de 2023, contará coa colaboración de máis de 130 provedores de obra que darán emprego a unhas 800 persoas durante a construción.

Os cambios previstos supoñerán unha mellora, tanto dos procesos e das instalacións, como dos postos de traballo. En concreto, o tamaño da nave incrementarase aumentando a eficiencia e a capacidade produtiva, pasando de 23.000 m2 a 40.000 m2, melloraranse as zonas comúns e instalarase o sistema de preparación automático coñecido como PPG (Picking Ponte Grúa), que supoñerá minimizar os sobreesforzos ás traballadoras e aos traballadores. Ademais, como parte do respecto da compañía polo medio ambiente, instalaranse 7.500 placas solares na cuberta da nave; isto supoñerá que un 15 % do consumo total do bloque funcionará con enerxía renovable.

Durante os máis de dous anos que está prevista que dure a reforma desta nave de frío, que asumirá de forma definitiva -unha vez que estea operativa- a produción que se desenvolve no almacén que a compañía ten en Paterna (Valencia), supón a recolocación temporal de parte dos seus traballadores a outras áreas da compañía, en especial, ao bloque loxístico situado en Parc Sagunt (Valencia), dende onde ademais se asumirá de forma temporal a produción do almacén de Riba-Roja del Túria e a do de Paterna. 

Una rede loxística de calidade

Para poder dar un servizo óptimo e garantir a eficiencia na súa actividade, Mercadona dispón dunha rede de distribución de calidade: máis de 1,4 millóns de metros cadrados que a compañía optimiza para “fabricar máis con menos recursos”, a través de procesos e estratexias que perseguen o equilibrio entre a eficiencia ambiental e a económica, que reducen o impacto no ámbito e nas cidades e, ao mesmo tempo, minimizan, a través de protocolos responsables e do seu compromiso coa innovación e coa tecnoloxía vangardista, a repercusión en cada zona e barrio nos que ten presenza.

A rede loxística de Mercadona está composta por un total de 16 bloques loxísticos operativos, 2 almacéns satélites e 2 almacéns reguladores. Dende ela, Mercadona abastece os máis de 1.600 supermercados que ten tanto en España como en Portugal, liderada por un equipo de 10.700 profesionais cuxo esforzo, implicación e adaptación constante permiten dar resposta ás necesidades dos “Xefes” (clientes).

Imaxe aérea do bloque loxístico de Riba-Roja del Túria (Valencia).