Mercadona conmemora o seu quinto aniversario en Portugal, onde abriu a súa primeira tenda o 2 de xullo de 2019 na cidade de Vila Nova de Gaia, en Canidelo (Porto). Nese mesmo ano, a compañía abriu outras nove tendas, sitas nos distritos de Porto, Aveiro e Braga.

Durante estes cinco anos, a empresa investiu un total de 1.000 millóns de euros en Portugal; isto permitiulle abrir 50 supermercados (cunhas vendas de máis de 2.770 millóns de euros) e 2 bloques loxísticos, un en Póvoa de Varzim (Porto) e outro en Almeirim (Santarém). Este último entrará en funcionamento este ano tras un investimento de máis de 250 millóns de euros. En termos de emprego, a compañía xerou 6.000 postos de traballo estable e de calidade.

Infografía de Mercadona en Portugal.

Foi en 2016 cando Mercadona anunciou o seu proxecto de internacionalización coa creación da empresa portuguesa Irmãdona Supermercados, con sede en Vila Nova de Gaia. Ese mesmo ano realizou as súas primeiras contratacións e en 2017 puxo en marcha o seu primeiro centro de coinnovación, en Matosinhos (Oporto), para adaptar a súa oferta aos hábitos e ás preferencias do consumidor portugués. Dous anos despois, a primeira tenda de Mercadona xa contaba con 1.000 novos produtos adaptados ao mercado portugués, proba da aposta da compañía por ofrecer unha oferta eficaz garantindo a máxima calidade.

Tras a apertura de varias tendas no Norte de Portugal, en 2022 Mercadona chegou á área metropolitana de Lisboa, con aperturas nos distritos de Lisboa e Setúbal.

Este proxecto de internacionalización permitiulle a Mercadona coñecer e traballar con novos provedores portugueses; ademais, fixo posible que os consumidores españois coñezan produtos portugueses como pan, bolería, queixos, viños e outros produtos típicos do país luso. Este compromiso da compañía cos provedores portugueses reflíctese nos 3.000 millóns de euros en compras dende 2019.

Baixo a premisa de "compartir coa sociedade parte do que recibe”, Mercadona tamén desenvolveu no país un Plan de Acción Social que inclúe a doazón de alimentos. Neste contexto, todas as tendas de Portugal colaboran con entidades sociais, coa doazón diaria de produtos de primeira necesidade. Nos últimos cinco anos, Mercadona doou aproximadamente 5.500 toneladas de alimentos a entidades sociais nas diferentes rexións nas que está presente.

"Mercadona avanzou e aprendeu moito ao entrar no mercado portugués, moi competitivo. Hoxe, énchenos de orgullo poder dicir, que o esforzo que facemos para adaptarnos ao país reflíctese no desexo das persoas de ter preto os nosos supermercados, pero aínda nos queda moito por facer para converternos na empresa portuguesa que queremos ser en Portugal. Estes cinco anos demostraron ser un bo comezo e unha motivación para seguir construíndo un proxecto de crecemento compartido e sostible que xere emprego e riqueza no país, contribuíndo ao seu desenvolvemento económico", afirma Inês Santos, Directora de Relacións Institucionais de Mercadona en Portugal.

Oficinas centrais de Mercadona en Portugal.

Tenda de Mercadona en Canidelo (Portugal).