Mercadona, compañía de supermercados físicos e de venda en liña, iniciou hoxe unha colaboración coa Cruz Vermella a través da entrega diaria en Maó e Ciutadella de produtos de primeira necesidade como froita e verdura, lácteos, carne, peixe, embutido, pan ou pastas. 

As doazóns realízanse á primeira hora da mañá, de luns a venres. Os produtos, que son aptos para o consumo pero non para a venda, entréganse nas mellores condicións de calidade e seguridade alimentaria para que cheguen aos máis de 700 usuarios que atende a Cruz Vermella en ambos os dous municipios. Con esta incorporación xa son doce os comedores sociais cos que a compañía colabora nas Illes Balears.

O vicepresidente autonómico da Cruz Vermella, Tomeu Pons, agradeceulle a Mercadona a súa colaboración para “paliar as necesidades alimentarias básicas de moitas familias usuarias da Cruz Vermella en Menorca coa doazón de alimentos frescos, pois parte das intervencións que realizamos non serían posibles se non contásemos co soporte de empresas e organizacións”.

Pola súa parte, a directora de Relacións Externas e Cadea Agroalimentaria de Mercadona nas Illes Balears, Ester Coll, declarou: “Sentímonos moi satisfeitos de poder achegar un pequeno gran de area ao gran labor que fai a Cruz Vermella. Agradecemos enormemente á entidade o seu traballo e dedicación altruísta, claves para a sociedade menorquina”.

Unha política de acción social sostible integrada na estratexia de RSE de Mercadona

Mercadona mantén un compromiso social cos veciños e veciñas das zonas nas que ten presenza e actividade. No caso das Illes Balears, en 2020 a compañía de supermercados doou a comedores sociais e entidades benéficas máis de 215 toneladas de alimentos, o que equivale a 3.585 carros da compra.

Por illas, Mercadona colabora en Menorca cos Bancos de Alimentos Municipais de Maó e Ciutadella e dende hoxe coa Cruz Vermella de ambos os dous municipios; en Eivissa con Cáritas Diocesana de Eivissa e Formentera e cos comedores sociais de Vila, Santa Eulària des Riu e Sant Antoni de Portmany que xestiona a mesma entidade; e en Mallorca, ademais de colaborar co Banco de Alimentos de Mallorca, reparte diariamente alimentos a Sor Isabel Bonnín, Estrellas & Duendes, Refugi del Pare Gaspar Aguiló, Tardor, Las Hermanitas de los Pobres, Can Gazà e Ebenezer Maranata.

Durante a primeira doazón dende Mercadona Poima Maó.

Responsables de Mercadona e da Cruz Vermella de Menorca durante a primeira doazón dende Poici Ciutadella.