Mercadona, compañía de supermercados físicos e de venda en liña, entregou, froito da situación excepcional ocasionada pola COVID-19, a cantidade de 51.411 quilos (o que supón 74 palés) de produtos de primeira necesidade, como leite, aceite, pasta, legumes, conservas de peixe e vexetais, e tamén produtos frescos e pratos preparados, como albóndegas, pastel de atún, lasañas, cremas de verduras e sobremesas lácteas, entre outras, ao Banco de Alimentos e aos 5 comedores sociais de Navarra cos que colabora habitualmente.

A compañía doou un total de 27.411 quilos de produtos ao Banco de Alimentos de Navarra durante este mes de abril. A primeira entrega efectuouse a principios de mes coa doazón de 11.191 quilos de alimentos; e a segunda ten lugar hoxe, 23 de abril, cun volume de 16.220 quilos de produtos de primeira necesidade como legumes, arroz, macarróns e leite.

Mercadona súmase así ao chamamento feito polo Banco de Alimentos de Navarra dada a situación excepcional ocasionada pola COVID-19 para dar resposta e axudar a paliar na medida do posible as demandas das persoas máis necesitadas.

Así mesmo, e co obxectivo de continuar atendendo os colectivos máis desfavorecidos, Mercadona tamén afianza a súa colaboración cos comedores sociais de Navarra cos que colabora habitualmente, con doazóns de alimentos que alcanzaron un total de 24.000 quilos, dende o pasado 27 de marzo.

O director de Relacións Externas de Mercadona en Navarra, Imanol Flandes, sinalou que "a situación de excepcionalidade que estamos vivindo é moi cambiante e require pola nosa parte axilidade nas decisións e nas formulacións, cun único obxectivo: dar resposta ás necesidades das persoas máis necesitadas nesta situación de extraordinaria complexidade que estamos vivindo. A entrega de máis de 51.000 quilos de alimentos nun período de pouco máis de tres semanas foi a nosa pequena contribución".

Pola súa parte, o director do Banco de Alimentos de Navarra, Joaquín Fernández, manifestou que "agradezo especialmente a colaboración de Mercadona con nós a través desta e doutras doazóns de alimentos, sobre todo nestes momentos de crise non só sanitaria, senón tamén social e económica. Se ata mediados de marzo atendiamos a 23.000 persoas, nas últimas semanas xa notamos considerablemente o aumento de persoas que demandan axuda alimentaria. Estas doazóns son imprescindibles para poder apoiar a todas estas familias que xa sufrían necesidades e as que comezan a notar tamén esta crise".

Unha política de acción social sostible integrada na estratexia de RSE de Mercadona

Un dos compromisos que Mercadona mantén coa sociedade é devolver parte de canto recibe dela. Co devandito obxectivo, desenvólvese o Plan de Responsabilidade Social da compañía que atende o compoñente social e ético a través de diferentes liñas de actuación sostibles que reforzan a súa aposta polo crecemento compartido.

No marco desta política, ademais da colaboración co Banco de Alimentos de Navarra, a cadea de supermercados tamén doa produtos a 5 comedores sociais de Navarra: Villa Javier de Tudela, Hogar San Francisco Javier en Tafalla, e Fundación Ilundain, Paris 365 e Residencia Hermanitas de los Pobres na comarca de Pamplona. A doazón realízase diariamente, de luns a sábado, grazas aos recursos loxísticos e humanos de Mercadona, que leva os produtos a cada un dos comedores sociais e os entrega nas mellores condicións de calidade e seguridade alimentaria para que os voluntarios poidan preparar as comidas diarias. De feito, no que vai de ano e ata o momento, a compañía doou a estas entidades e organizacións sociais un total de 112 toneladas de alimentos.

Imanol Flandes (Mercadona) e voluntarios do Banco de Alimentos de Navarra durante a entrega efectuada.

Doazón de produtos ao Banco de Alimentos de Navarra.