Mercadona comezou a colaborar coa entidade Sant Joan de Déu Serveis Socials de Valencia.

Mercadona comeza a colaborar co comedor do albergue de Sant Joan de Déu de Valencia

29 de marzo de 2017

En 2016 Mercadona doou máis de 140 toneladas de produtos de primeira necesidade na provincia de Valencia.

  • A compañía tamén colabora con outros comedores sociais e entidades benéficas como a Casa Caridad de Valencia, Buñuelos Sin Fronteras de Gandía e o Banco de Alimentos.
  • Sant Joan de Déu Serveis Socials de Valencia atende acotío a máis de 100 persoas.

Mercadona comezou a colaborar coa entidade Sant Joan de Déu Serveis Socials de Valencia, mediante a entrega cotiá de alimentos. Esta entrega realízase a primeira hora da mañá coas furgonetas da compañía e a través dos traballadores da tenda de Mercadona localizada na rúa Sagunto de Valencia, que reparten acotío estes alimentos. Unha vez no centro, a cociñeira do comedor encárgase de preparar as comidas para as persoas que acoden diariamente ás súas instalacións, e a responsable de oficios do centro encárgase do reparto para as persoas usuarias da rede de nove vivendas de inclusión social; en total máis de 100 persoas.

A directora de Sant Joan de Déu Serveis Socials, Isabel Tortajada, sinalou que esta colaboración é un exemplo de solidariedade e compromiso social, que demostra que “unha sociedade mellor é posible”. Pola súa parte Emilio, un dos repartidores de Mercadona que se encarga de levar os alimentos, afirmou sentirse orgulloso de participar nesta iniciativa e estar “moi involucrado en poder repartir alimentos tan necesarios para as persoas con dificuldades”.   

Deste xeito, Mercadona reforza a súa responsabilidade social na provincia de Valencia, rexión onde colabora ademais coa Casa Caridad de Valencia, co comedor social Buñuelos Sin Fronteras de Gandía e co Banco de Alimentos. No seu conxunto, Mercadona doou o ano pasado máis de 140 toneladas de produtos de primeira necesidade, e axudou a recadar 173 toneladas de alimentos doados polos seus “Xefes”, como internamente a compañía chama os clientes, ao colaborar nas diferentes “Operaciones Kilo” e na “Gran Recogida” realizadas na provincia de Valencia.

Traxectoria de Sant Joan de Déu Serveis Socials de Valencia

Sant Joan de Déu Serveis Socials pertence á Orde Hospitalaria San Xoán de Deus, con máis de 500 anos de historia. En España conta coa presenza de 236 irmáns en 70 centros e dispositivos sociais e sanitarios, que atenden preto de 1.400.000 persoas, e coa colaboración de máis de 2.000 voluntarios. A entidade ten presenza en Valencia en dúas etapas diferentes, desde 1887 até 1991, no hospital situado na Malvarrosa; e desde 1992 até a actualidade, ofrecendo servizos sociais a persoas sen fogar. Para iso, dispoñen dun albergue que ofrece aloxamento e atención das necesidades básicas de alimentación e saúde, un centro ocupacional onde recuperar hábitos relacionais e laborais, un programa terapéutico de deshabituación de problemática de alcolismo e ludopatía, e unha rede de nove vivendas que se converten no fogar que estas persoas perderon.

Doación de alimentos Mercadona

Dentro do seu compromiso coa sociedade, Mercadona apoia diversas institucións e entidades sociais. A través das distintas iniciativas, a compañía, só no exercicio 2016, doou 6.500 toneladas de alimentos, un equivalente a 108.000 carros da compra, a máis de 120 comedores sociais e 60 bancos de alimentos e organizacións sociais de toda España. Para alén diso, ten colaborado en diferentes “Operaciones Kilo” e na “Gran Recogida” organizada polos bancos de alimentos, mediante a xestión en tendas e o apoio loxístico, onde se conseguiu recadar, grazas á solidariedade dos seus “Xefes”, 6.900 toneladas.

Mercadona empieza a colaborar con el comedor del albergue de Sant Joan de Déu de ValenciaEmilio, repartidor de Mercadona, xunto a Emilia e Rosa, traballadoras de Sant Joan de Déu Serveis Socials, durante unha das entregas.