Mercadona, compañía de supermercados físicos e de venda en liña, reforza o seu Modelo Responsable durante a situación excepcional que vive o país ocasionada pola Covid-19. Neste sentido iniciou a súa colaboración coas Cociñas Familiares Comunitarias que a Fundación Don Bosco xestiona en Córdoba e Jaén capital. O inicio desta colaboración supón a entrega diaria de produtos frescos e de proximidade para que as familias atendidas dende a Fundación Don Bosco preparen as comidas.

A directora de Relacións Externas de Mercadona en Córdoba, Laura Cruz, sinalou que “A compañía, no seu firme compromiso de estar ao lado dos colectivos máis desfavorecidos, intensifica o seu Modelo Responsable colaborando cos bancos de alimentos e comedores sociais de Córdoba, provincia na que doou ao longo do presente ano máis de 135 toneladas de alimentos. A situación de excepcionalidade que estamos vivindo é moi cambiante e require pola nosa parte axilidade nas nosas decisións e formulacións, cun único obxectivo: facer o que faga falta para dar resposta ás necesidades das persoas máis vulnerables nesta situación de extraordinaria complexidade que estamos vivindo”.

A Fundación Don Bosco elabora, nas súas cociñas de Córdoba e Jaén, almorzos e ceas para preto de 350 persoas a través do seu proxecto de Cociñas Comunitarias onde os propios voluntarios que se encargan da elaboración das comidas, son as familias que se benefician do proxecto nun ambiente integrador e de convivencia.

Antonio Herrera, responsable da Fundación Don Bosco en Córdoba, mostrou o agradecemento por esta iniciativa, que "vai permitir que as familias beneficiarias reciban máis variedade e cantidade de alimentos e ampliar a duración do proxecto que cofinancia a Delegación Territorial da Consellería de Igualdade, Políticas Sociais e Conciliación".  

Mercadona, dentro do compromiso de compartir coa sociedade parte de canto recibe dela, desenvolve un Plan de Responsabilidade Social que atende o compoñente social e ético a través de distintas liñas de actuación sostibles que reforzan a súa aposta polo crecemento compartido. Como parte desta política, Mercadona colabora con máis de 261 comedores sociais e máis de 60 bancos de alimentos e outras entidades sociais de España e Portugal, ás que doa diariamente alimentos e participa nas campañas de recollida de alimentos que as devanditas entidades organizan. De feito, no que vai de ano, Mercadona doou a todas estas entidades e organizacións un total de 5.835 toneladas de alimentos, 5.567 en España e 268 en Portugal, cantidades que se foron incrementando dende que a compañía o 26 de marzo, tras a paréntese producida como consecuencia do impacto que a Covid-19 tivo nos seus procesos, tomase a decisión de reactivar a doazón de produtos de primeira necesidade aos Comedores Sociais e Bancos de Alimentos cos que viña colaborando habitualmente.

Responsables da cociña comunitaria da Fundación Don Bosco e de Mercadona durante a visita á Cociña Comunitaria de Córdoba.