• A nova tenda, que supuxo un investimento de 7,5 millóns de euros, encóntrase dentro do mercado municipal de Montgat.
• O establecemento conta cun cadro de persoal de 41 traballadores con emprego estable e de calidade.

Mercadona inaugurou un novo supermercado localizado na localidade de Montgat (Barcelona), concretamente no mercado municipal. Na instalación desta nova tenda investíronse 7,5 millóns de euros (5 millóns correspondentes á adxudicación e 2,5 destinados á habilitación do establecemento) e posúe un cadro de persoal de 41 traballadores. Na súa construción participaron unha media de 28 fornecedores que deron traballo a 45 persoas durante a fase de obra.

A nova tenda encóntrase na planta baixa do mercado, e esténdese por unha superficie de sala de vendas de 1.400 metros cadrados, onde se localizan as seccións habituais de Mercadona, incluídas as renovadas seccións de produtos frescos. O supermercado tamén dispón de zonas de descanso e vestiario para os traballadores.

Por outro lado, destaca o carácter eco-eficiente do establecemento que incorpora un conxunto de medidas como instalacións de recuperadores da calor, unha iluminación máis eficiente, temporizadores e portas automáticas, que reducen até nun 20% o consumo enerxético.

O horario de abertura ao público da tenda será de luns a sábado de 9h00 a 21h00. Para facilitar o acto de compra a todos os clientes que se movan en vehículo privado, o novo edificio do mercado dispón dun aparcadoiro público con 165 prazas de estacionamento.

Aposta polos mercados municipais

Este novo proxecto súmase aos 35 mercados onde Mercadona xa está presente e continúa a consolidar a súa aposta decidida pola recuperación dos mercados municipais co obxectivo de potenciar o comercio urbano dos barrios e dos municipios onde está presente. Esta nova abertura do mercado de Montgat suporá, por tanto, o 36º supermercado de Mercadona integrado nun mercado municipal. Mercadona convive con máis de 1.590 comerciantes cos que comparte a ilusión de recuperar o comercio tradicional.