- En Mercadona podes encontrar laranxas de orixe nacional ata o mes de agosto.
- Mercadona prevé comprar máis de 200.000 toneladas de laranxas a máis de 2.500 provedores locais.
Mercadona inicia a campaña de laranxas de orixe nacional. A laranxa de proximidade está á venda na sección de Froita e Verdura de Mercadona dende finais de outubro ata o mes de agosto de 2019. A laranxa véndese tanto en malla como a granel e tamén se pode gozar no servizo de zume de laranxa acabado de espremer.
Na campaña 2018-2019, Mercadona ten previsto comprar máis de 200.000 toneladas de laranxas a máis de 2.500 provedores locais da Comunidade Valenciana, Andalucía, Murcia, Catalunya ou Canarias.
Esta tempada comeza coas laranxas da variedade Navelina e, posteriormente, vanse ofrecendo laranxas das variedades Navel/Navelate, Lane-Late, Lane-Late Powell e Valencia-Late. A primeira laranxa da tempada ten un toque de acidez e, conforme avanza a campaña, a laranxa vai aumentando en dozura.
As laranxas de Mercadona ofrécense nun punto óptimo de maduración e coa máxima frescura grazas a que as laranxas se transportan ás tendas no menor tempo posible mediante o seu servizo loxístico.
A froita da laranxa ten moitas posibilidades. Pode consumirse enteira ou en sobremesas, marmeladas, zumes, repostería ou doces. Ademais, é unha froita con antioxidantes naturais e Vitamina C que axudan nesta época do ano.
Como podes encontrar as laranxas en Mercadona
- Laranxas a granel.
- Laranxas en malla de 3 kg.
- Laranxas en malla de 6 kg.
- Servizo de zume de laranxa acabado de espremer. Neste servizo, a entrada de laranxa de orixe local é máis tardía, xa que se vai incorporando progresivamente dende o mes de novembro garantindo igualmente unha laranxa de gran sabor e calidade.
Vídeo en español
Orixe das laranxas de Mercadona
Mercadona ofrece laranxas de proximidade en malla e a granel en todos os seus supermercados dende finais de outubro, ata o mes de agosto do ano seguinte, grazas aos acordos con máis de 2.500 provedores locais de cítricos.
No momento que a produción da campaña de laranxa nacional se esgotou, impórtanse laranxas procedentes doutras orixes. Isto sucede só durante dous meses ao ano, entre finais de agosto e finais de outubro. Desta forma, máis do 90% das laranxas de Mercadona son de orixe local.
Mercadona realiza compras en España por un valor superior aos 17.500 millóns de euros ao ano e mantén acordos comerciais con 8.600 agricultores, 12.000 pescadores e 5.200 gandeiros do sector primario.
Mercadona súmase á campaña do Ministerio de Agricultura, Pesca e Alimentación "Froita e Verdura de aquí e de agora" que recomenda o consumo de froita e verdura de maneira regular.