A nova Colección de maquillaxe Oh My Look ten como eixe central o teu rostro e os teus ollos. Os seus obxectivos principais son dous:

• Conseguir unha pel suave e perfecta
• Enmarcar a mirada traballando cellas, pestanas e dando luz ás túas pálpebras.

Con esta colección de tendencia vas exclamar: “Oh, My Look!” cando te mires ao espello. Edición limitada!

Que produtos compoñen a Colección Oh My Look?

Esta colección componse dos seguintes cinco produtos:

Máscara volume efecto Ás de Bolboreta

• Proporciona un efecto volume da raíz ás puntas, dando corpo ás pestanas.
• Peitea e define as pestanas, á vez que as envolve e enmarca para un efecto panorámico, como se dunha bolboreta se tratase.
• Contén aceite de rícino.
• Modo de uso: aplica a máscara de pestanas sempre dende a raíz cara a arriba facendo un lixeiro zigzag coa man.

TRUCO: Se queres potencialas aínda máis podes optar por darlles unha segunda pasada. Non esperes demasiado para que non seque a primeira capa antes de aplicar a segunda.

Crema cor perfeccionadora 3 en 1

• Crema con cor que perfecciona o rostro. 3 en 1 para usar como prebase, corrector e/ou maquillaxe.
• Textura bálsamo agradable na aplicación, que achega cor e suavidade á pel, sen achegar peso ao rostro.
• Fórmula lixeira que cobre o rostro cun veo suave de cor.
• Modo de uso: recoméndase a aplicación cunha suave masaxe sobre a pel cunha brocha plana ou ben con esponxa. Hai que axitar antes de usar.
• Dispoñible en dúas cores:
  • N.º 01 Beixe claro
  • N.º 02 Beixe medio

Brow trío

Lapis de cellas trío cun envase exclusivo para un deseño de cellas completo que contén:

• Nun extremo do lapis: Mina para encher e perfilar as cellas.
• No medio: Iluminador que achega un toque de luz no arco das cellas.
• No outro extremo do lapis: Cepillo para acondicionalas e peitealas.
• Dispoñible en dúas cores:
  • N.º 01 Claro
  • N.º 02 Escuro

Micro Eyeliner

• Micro eyeliner en cor negra formato rotulador con punta tamaño mini (extrafina) que permite realizar un trazo controlado.
• Ton negro intenso con acabado ultramate e fórmula de longa duración.

TRUCO: Proba a facer pequenos puntos que sirvan como guía e que irán marcando a posterior liña recta.

Paleta de sombras

• Paleta de sombras de ollos mate, satinadas e perladas.
• Contén un titorial para poder realizar 3 looks distintos.

Outras recomendacións

Coñeces a Liña facial Anti-manchas Deliplus? É un tratamento específico que che permite ter unha cute máis uniforme e un ton unificado.