Volve a Colección do verán, baseada no aceite Monoï. Porque a túa pel e o teu cabelo necesitan un coidado especial nestes meses calorosos. Elixir Fleur de Monoï, de edición limitada, componse de seis produtos que nutren, reparan e hidratan cunha mesma fragrancia refrescante e exótica.

Coñeces o aceite Monoï?

O Monoï procede de Tahití, na Polinesia francesa. Para a súa produción macéranse as flores de tiaré, típicas da devandita terra, e combínanse co aceite de polpa de coco.

Da mestura destes ingredientes xorde o Monoï, popularmente coñecido polos seus múltiples beneficios á hora de nutrir, reparar e hidratar a pel e o cabelo.

Cales son os seis produtos que compoñen a Colección Elixir Fleur de Monoï?

Eau de Toilette

• Fragrancia unisex, estival e exótica con flor de tiaré, ylang ylang e frangipani, asociada á sensualidade da vainilla e da faba de cumarú (faba tonka). Déixate embriagar polo seu aroma.

Modo de uso:

• Aplica sobre a pel. As mellores zonas son a sen, a base do pescozo e a parte interna dos pulsos e dos cóbados. Hai que esperar 15 minutos para percibir o olor definitivo en cada pel.
• Para evitar manchas ou descoloracións non se debe aplicar na roupa nin en xoias. Hai que deixar que o perfume seque antes de vestirse.
• Non convén expoñer os frascos ao sol nin deixalos preto dunha fonte de calor.

Xel de baño

• Fragrancia duradeira que respecta o equilibrio da túa pel.

Modo de uso:

• Verte na man ou na esponxa. Engade auga, aplica sobre a pel mollada e aclara.
• Podes utilizalo como complemento da túa rutina de coidado e/ou co resto dos produtos desta colección.

Acondicionador bifásico

• Acondicionador con filtro UVA/UVB.
• Protección fronte aos raios do sol. Uso en húmido e seco.
• Acondiciona e desenreda protexendo o cabelo do sol e dos danos do cepillado, grazas aos seus axentes activos. Contén vitamina E. Déixate seducir pola súa fragrancia paradisíaca.

Modo de uso:

• Axita e aplica antes ou durante a exposición solar, en húmido ou en seco, para acondicionar, protexer e desenredar o pelo.
• Evita o contacto coa roupa, pode producir manchas.
• Evita o contacto cos ollos e coas mucosas. En caso de producirse, aclara inmediatamente con auga abundante. Non se pode inxerir. Hai que mantelo fóra do alcance dos nenos.
• Podes utilizalo como complemento da túa rutina de coidado capilar diario e/ou co resto dos produtos desta colección.

Glitter corporal (fórmula mellorada)

• Este produto deixa a túa pel suave, hidratada, perfumada e cun sutil brillo polo glitter.
• Achega luminosidade e reflexos dourados sutís á túa pel, visibles á luz solar.

Modo de uso:

• Axita antes de usar.
• Estende coas mans cunha suave masaxe ata a súa absorción.
• Logo limpa as mans con auga. Deixa secar na pel antes de vestirte ou poñer calquera peza de roupa.
• No te expoñas ao sol, xa que non contén ningunha protección e ao conter perfume pode manchar a pel.

Crackling Body Mouse

• Mousse corporal con efecto crepitante, de efecto efervescente, refrescante e hidratante.

Modo de uso:

• Axita o envase enerxicamente, aplica a escuma na palma da man e estende o produto sobre a pel con movementos circulares para aumentar o efecto crepitante.

Ondas de praia

Texturizante capilar

• Spray moldeador que, grazas á súa fórmula sinérxica con sal mariño e extractos botánicos, como o hibisco ou o áloe, actúa para darlle ao cabelo un look natural de ondas de praia. Ademais, achega volume ao cabelo sen amazocalo e non deixa residuo.

Modo de uso:

• Pulveriza sobre o cabelo húmido ou seco, das raíces ás puntas. Moldea cos dedos ata conseguir as ondas desexadas.

Outras recomendacións

Prepara a túa pel para este verán cos nosos tratamentos anticelulíticos.

Que método de depilación utilizas? Di adeus ao pelo coa nosa Liña de produtos de depilación.

Aprende a forma máis fácil e rápida de maquillarte, con só tres produtos.