Chega á Perfumería de Mercadona a nova liña Electro Soul de Deliplus, un estalido de cor para lucir radiante este verán.

Esta colección de edición limitada ofréceche todo un conxunto de cores alegres e luminosas, coas que acompañar de forma vistosa os teus ollos, os teus labios e as túas uñas.

Electro Soul ten todo o que necesitas para maquillarte este verán, ata tons neon. Descúbrea!

Máscara de pestanas

A máscara de pestanas de Electro Soul achégache volume e definición, ao mesmo tempo que envolve os teus ollos nunha intensa cor.

Dispoñible en dous tons: un radiante azul eléctrico (n.º 01) e o irresistible verde eléctrico (n.º 02).

A súa aplicación é moi sinxela, só tes que poñela directamente sobre as pestanas e dar tantas pasadas como desexes segundo a intensidade de cor que busques.

Conseguirás unhas pestanas cheas de cor, flexibles e cun volume definido moi rechamante.

Lapis de Ollos

A edición limitada de Electro Soul ofréceche un lapis de ollos de textura xel que se fixa con gran rapidez. É automático, non precisa afialapis. Ademais, ofrece unha longa duración para que poidas lucir o mellor look durante máis tempo.

Os lapis de ollos Electro Soul de Deliplus tamén están dispoñibles nos tons azul eléctrico (n.º 104) e verde eléctrico (n.º 105).

Este lapis de ollos pódelo utilizar tanto na parte externa da pálpebra superior como na inferior. Aplícao xusto pola liña do bordo das pestanas e conseguirás unha cor uniforme e luminosa, que te acompañará durante todo o día, grazas ao seu efecto de longa duración.

Eyeliners

Os Eyeliners da Colección Electro Soul de Deliplus permitiranche darlle unha maior intensidade á túa mirada, grazas á súa cor altamente pigmentada.

A súa fórmula seca de xeito moi rápido e crea un trazo que se manterá nos teus ollos durante todo o día.

Os Eyeliners de Electro Soul teñen un cepillo flexible para que poidas aplicalos de forma rápida e precisa; poden realizar tanto liñas finas como grosas, cunha cor uniforme nun só trazo e cun espectacular efecto luminoso.

Para aplicar correctamente estes Eyeliners utiliza calquera dos seus dous tons, azul eléctrico (n.º 01) e verde eléctrico (n.º 02), na parte exterior da pálpebra superior e da inferior. Aplica o ton xusto na liña do bordo das pestanas realizando o movemento sempre dende dentro cara a fóra do ollo e debuxa un trazo fino ou groso segundo o estilo que desexes.

Brillo de Beizos

Consigue uns labios dunha cor viva e brillante co Brillo de Labios de Electro Soul de Deliplus.

Tes 2 orixinais tons a elixir, coral (n.º 01) e violeta (n.º 02), que cobren moito e cun acabado brillo que lle dará un toque zumarento aos teus labios.

Á hora de desmaquillarte recomendámosche o desmaquillador de ollos e labios bifásico que che axudará a eliminar o resto de maquillaxe sobre a pel.

Lacas de uñas

Os esmaltes Electro Soul ofrecen un sorprendente ton neon. Elixe entre os 3 tons dispoñibles: rosa (n.º 831), laranxa (n.º 832) ou verde (n.º 833).

Para aplicar a orixinal laca de uñas Electro Soul de Deliplus, primeiro utiliza a base vitaminada 9 en 1, dispoñible na Perfumería de Mercadona. Con ela, ademais de protexer e rexenerar as túas uñas, prepáralas e alísalas para conseguir un acabado perfecto.

A continuación utiliza 2 capas de laca de uñas Electro Soul para conseguir un acabado perfecto. O toque final podes aportalo co Xel Brillo secado rápido, tamén dispoñible no lineal da Perfumería. Con el prolongarás e achegarás un maior brillo ás túas uñas.

Outras recomendacións

Tes présa en prepararte pero queres a máxima hidratación para a túa pel? Proba o novo body milk en spray Hidra & Go!. Moi cómodo de poñer e de rápida absorción, para unha hidratación sen esperas.

Se ademais de lucir perfecta coa liña Electro Soul, tamén queres envolver a túa pel coas mellores fragrancias, escolle a colección Simply Flowers, nalgunha das súas 5 variantes: Peonia, Violeta, Rosa, Azar e Xasmín.