Agora é posible empregar a mesma base de maquillaxe durante os 365 días do ano. Gotas de Maquillaxe de edición limitada está elaborado con pigmentos creados para mesturar coa túa base. Así poderás personalizala adaptándoa ás túas necesidades sen ter que cambiar de maquillaxe cada vez.

Elixe o ton de maquillaxe que mellor che sente, o que máis se adapte aos teus gustos, e axusta o ton do teu rostro con cada estación do ano.

Personaliza o teu ton de pel segundo o momento!

Aprende como empregar Gotas de Maquillaxe neste sinxelo vídeo explicativo.

Tes á túa disposición Gotas de Maquillaxe en 4 tons a elixir

Nº01 Ton Luz

Idóneo para dar un punto extra de luminosidade a calquera base de maquillaxe ou utilizalo a modo de iluminador nalgunhas partes do rostro como: zona T (fronte e tabique nasal), pómulos, arco da cella e parte superior do beizo. Podes combinar o seu uso co resto de Gotas de Maquillaxe para brillar cando o necesites.

Nº02 Ton Claro

Perfecto para aclarar ou rebaixar o ton da túa base de maquillaxe. Cando chega o outono suaviza a túa base para adaptar o ton do teu rostro á nova estación.

Nº03 Ton Bronceado

Achega á maquillaxe o bonito toque bronceado do verán. Loce pel dourada sempre que queiras sen necesidade de sol.

Nº04 Ton Escuro

Deseñado para escurecer e intensificar as bases de maquillaxe. Está indicado para modular o ton de maquillaxe de peles negras ou esculpir os trazos realizando a técnica de contouring.

Modo de emprego

1. Pon na túa man a cantidade de base de maquillaxe que acostumes empregar.

2. Axita o envase do ton de Gotas de Maquillaxe escollido.

3. Empeza engadindo á base de maquillaxe unha gota do produto.

4. Mestura, e vai engadindo gotas ata conseguir o resultado desexado.

5. Cando o ton sexa uniforme aplica a mestura no teu rostro.​

Emprega a mesma base de maquillaxe personalizándoa segundo a estación do ano ou o momento cos catro tons de Gotas de Maquillaxe que atoparás na Perfumaría de Mercadona. Son edición limitada!

Outras recomendacións

Para limpar a túa pel cunhas fragrancias irresistibles, proba os Xeles de Baño Deliplus.

E se queres presumir de mans bonitas, non te perdas a cobertura de alto brillo das nosas Lacas de Uñas.