Para aqueles aos que dedicades esta época do ano a coidarvos chega Elixir d’Automne, unha colección inspirada nos aromas do outono, con ingredientes naturais. Se gozas dos rituais de beleza, Elixir d’Automne é para ti.

Esta colección, de Edición Limitada, é elegante, atemporal, sofisticada e moi versátil, coa que gozas dunha fragrancia única e singular en oito produtos diferentes.

Elixir d’Automne é un perfume amadeirado, afroitado, almiscrado, de saída luminosa e zumarenta grazas á combinación das notas de bergamota e froitos vermellos, cun corazón floral e un fondo amadeirado cremoso.

Ademais, a Colección Elixir d’Automne é perfecta para diferentes momentos do día. Descúbrea e apura, porque é Edición Limitada!

Que produtos compoñen a nova Colección Elixir d’Automne?

Crema das mans

• Aplica unha pequena cantidade do produto nas mans e masaxea ata a súa absorción.
• Para todo tipo de peles.
• Pódese utilizar de forma continuada.

Eau de Toilette

• Aplica sobre a pel. As mellores zonas son as sens, a base do pescozo e a parte interna de pulsos e cóbados. Hai que esperar 15 minutos para percibir o olor definitivo en cada pel.
• Para todo tipo de peles.
• Pódese utilizar de forma continuada.

Exfoliante corporal de azucre

• Aplica mediante unha masaxe con movementos circulares e aclara con auga morna.
• Ata 3 veces á semana.
• Para todo tipo de peles.

Xel de Baño

• Aplica na ducha ou no baño e aclara con abundante auga.
• Para todo tipo de peles.
• Pódese aplicar todos os días.

Manteiga corporal

• Hidrata e suaviza a pel perfumándoa coa súa agradable fragrancia.
• Estende sobre a pel mediante unha lixeira masaxe ata a súa total absorción.
• Pódese aplicar todos os días.
• Para todo tipo de peles.

Sal de baño relaxante

• Abre o sobre, enche a bañeira con auga morna, bota todo o contido do sobre, toma o baño durante 20 - 30 min.
• Pode utilizarse nunha almofía só para os pés como relaxante.
• Pel normal.
• Pode utilizarse cada vez que se tome o baño.
• Pode mesturarse con outros produtos de baño como o xel ou aceites de ducha.

Aceite corporal perfumado

• Estende sobre a pel limpa e seca do corpo mediante unha lixeira masaxe ata a súa absorción.
• Para todo tipo de peles.
• Todos os días.

Cando utilizar Elixir d’Automne?

Aínda que esta Colección é perfecta para calquera ocasión, propoñémosche tres momentos do día por se che serven de inspiración.

Momento Baño

Se es dos que bloqueas un momento do día para ti e che gusta montar o spa na casa, esta proposta encantarache. Desconecta do día e déixate levar pola fragrancia de Elixir d’Automne. A túa mente e o teu corpo agradecerancho.

Para este momento, necesitarás:

• Exfoliante corporal de azucre
• Sales de baño
• Xel de ducha
• Manteiga corporal
• Eau de toilette

Momento Express

Se es dos que vai sempre co tempo xusto pero che encanta que a túa fragrancia te acompañe durante todo o día, propoñémosche esta combinación para levar Elixir d’Automne alá onde vaias.

Para este momento, necesitarás:

• Xel de Baño.
• Eau de Toilette.
• Crema das mans.

Momento Mañás

Se es dos que empezan o día cun ritual rápido de beleza, non perdas esta proposta. Unha forma fácil e rápida para que a fragrancia Elixir d’Automne te acompañe durante todo o día.

Para este momento, necesitarás:

• Xel de Baño.
• Aceite corporal.
• Crema das mans.

Outras recomendacións

Se queres ter as uñas coidadas e perfectas, utiliza o noso Kit de Tratamento de uñas.