Es dos que leva o seu can ao salón de peiteado para o seu aseo persoal? Se é así, encontraríaste con que, dada a situación que estamos vivindo co COVID-19, debes enfrontarte a duchalo na casa.

Se che preocupa a idea e non sabes por onde empezar, queremos darche uns cantos consellos sobre o baño do teu can para que vos resulte aos dous o máis levadío posible. Ah, non nos esquecemos dos coidados dos gatos.

Aseo de mascotas: consellos para limpar os cans na casa

Duchar o teu can na casa pode ser unha actividade moi divertida e pode afianzar máis a relación que tes con el. Eles tamén están “sufrindo” estes momentos de corentena, e necesitan un plus de mimos e coidados: xogar con eles ou darlles un baño relaxante axudaraos a levala mellor. E non esquezas darlles algún premio, sen dúbida, meréceno!

Baño do can

Unha das cousas máis importantes a ter en conta é que non é aconsellable bañar demasiado o teu can, pois podería verse danada a capa lipídica da súa pel. E se tes un cachorro, espera a que faga os 45 días de vida para bañalo.

É fundamental utilizar un xampú con PH neutro, xa que está adaptado á pel do can. Pasos que hai que seguir:

• Humedecer a capa do pelo con auga morna.
• Aplicar o xampú. Recomendable aplicalo en tres partes fundamentais: parte traseira (zona da cola), zona das patas, a zona da cabeza e parte superior (pescozo e lombo).
• Debe aplicarse de forma que cubra todo o corpo. Comezar coas patas xa que é a parte que acumula máis sucidade.
• Deixalo actuar uns instantes.

O noso Xampú Áloe é dermoprotector. Nutre, suaviza e protexe, ten un PH neutro e está recomendado por veterinarios.

Aclarado

Realizalo de arriba a abaixo, pola parte superior, de forma que a auga retire todo o xampú terminando polas patas. Hai que usar auga morna e protexer os ollos e os oídos.

Unha vez que o can estea enxaugado, temos que deixar que este sacuda o exceso de auga.

Secado

O obxectivo do secado do can é que non quede humidade no pelo. Primeiro debe realizarse con toalla e logo rematar co secador.

• Secado con toalla: utilizar primeiro a toalla absorbe gran cantidade da humidade do pelo e diminúe o tempo co secador. Hai que prestar especial atención ao secado das patas.

• Secado co secador: hai que ter en conta que os cans poden ser remisos ao secador, polo ruído que produce.

- Temperatura de secado: seleccionar con precaución, utilizar unha temperatura temperada.

- Distancia de secado: recomendamos no achegar moito o secador. Manter unha distancia duns 30 cm entre o secador e o can.

Cepilladura

Realizar unha cepilladura suave, é recomendable utilizar un cepillo de carda branda. Facelo cun cepillo de goma será como unha caricia para o animal.

Colonia

Poñer a auga de colonia cando o pelo xa estea seco. Recoméndase pulverizar sobre o cepillo antes de pasarllo ao can, ou ben aplicala sobre a túa man mentres acaricias a túa mascota. Lembra que debes evitar sempre as zonas do nariz e dos ollos.
É aconsellable aplicala con frecuencia entre baño e baño, para manter o bo olor do pelo.
Hai que utilizar unha colonia cun PH neutro, adaptada á pel do can e que non conteña alcohol.

Dispoñemos de Auga de colonia para cans e gatos, con fragrancia talco e sen alcohol.

Desinfección das patas

Para desinfectar as patas despois do paseo pódese aplicar xabón e auga, con especial atención ás almofadiñas das patas e na zona da cola.

Diluír o xampú dermoprotector con áloe (unha parte de xampú por tres partes de auga), xa que é moi concentrado. Ao ter un PH neutro, esta dilución pode aplicarse con frecuencia nestas zonas despois de cada paseo.
Non utilizar alcohol, xa que reseca excesivamente a pel.

Ante todo, evitar o estrés

Este é un consello importante: se o teu can se pon nervioso á hora de bañarse, é conveniente preparar o terreo. Un dos nosos snacks de corazóns con polo fresco, a modo de premio nutritivo, pódeo axudar a tranquilizarse e a entrar con mellor humor no seu momentiño de hixiene.

Además, es fundamental no meterlo en el agua con la bañera llena, no echarle agua en la cara y evitar que le entre en los oídos.

Aseo de mascotas: consellos para os gatos

Os gatos adoitan acicalarse sós, grazas á súa lingua que rasca que lles permite limparse, eliminar pelos e outras impurezas. Non obstante, adoitan soltar moito pelo pola casa. Ademais, todo iso que inxiren pódese converter en bólas de pelo que acaban vomitando.

Para previr esta situación é importante tamén coidar o seu aseo.

Cepilladura

Una rutina diaria de cepilladura basta para manter o teu gato limpo e que non solte nin trague moito pelo. Tes que cepillalo con moita suavidade, para que a túa mascota o perciba como unha masaxe e o tome con agrado, ata cho acabará pedindo.

Limpeza dos ollos

Os gatos adoitan retirar as lagañas coas patas, pero ás veces non o conseguen de todo. Se advertimos que o animal ten os ollos sucios debemos limparllos cun pano de papel, inmobilizando o gato pola parte de atrás da súa cabeza e procedendo á limpeza ocular.

Outras recomendacións

Coñeces os nosos snacks de corazóns para premiar a túa mascota?