Cánsanche os pés? Pasas moitas horas de pé e reséntese esta zona do teu corpo? Proba as nosas soletas de calzado e descubrirás unha nova sensación de benestar, unha pisada moito máis agradable e lixeira.

Os pés son unha parte moi delicada da nosa anatomía. Coidar o seu confort e a comodidade do calzado é moi importante, e esta pode ser perfecta se lle engades unha soleta adecuada para ti.

Que soletas de calzado podes encontrar en Mercadona?

Dispoñemos de soletas para calquera calzado: deportivo, botas e sandalias, para zapatos e botas de tacón, zapatos abertos, máis cálidas para o inverno, anatómicas e absorbentes; indicadas para aliviar a dor, o cansazo, transpirables, neutralizadoras do olor, etc. Cal é a túa?

Escolle a soleta que mellor se axuste ás túas necesidades:

Soleta Áloe + carbón activo. Para todo tipo de calzado

• Básica, suave e confortable
• Evita a sudación do pé
• Neutraliza o olor
• Material: poliéster e látex con carbón activado

Soleta Confort. Para todo tipo de calzado

• Transpirable, efecto confort
• Recolle o impacto sufrido polas pisadas
• Anatómica
• Ergonómica
• Material: caucho flexible (arneflex) e poliéster

Soleta Pel. Para todo tipo de calzado

• De pel
• Destaca pola súa suavidade
• Úsase principalmente como reposto a zapatos de pel
• Transpirable
• Material: pel de ovella grain árabe e caucho flexible de poliuretano

Soleta Lady. Zapatos de tacón

• Amortece o coxín do pé, que é a zona que máis sofre ao apoiar con este tipo de calzado
• Alivia a dolor
• Material: pel sintética e espuma de poliuretano

Soleta Memory. Para todo tipo de calzado

• Amortece o pé
• Procura un maior illamento do chan
• O seu grosor pode facer que note menos folgura no calzado
• Gran confort

Soleta Traballo. Para botas e zapatos de traballo

• Axuda ao descanso dos pés e das pernas, para persoas que traballan sobre todo facendo esforzos físicos
• O seu grosor pode chegar a aumentar un número o calzado
• Alivia o cansazo
• Material: Poliéster mais Foam e PU Pouring

Soleta Xel. Para todo tipo de calzado

• Efecto descanso, xa que o seu xel axúdalle ao pé a amortecer a pisada
• Anatómica
• Tecido absorbente
• Material: poliéster, TPR Xel e látex antiesvarante

Soleta Deporte. Para calzado deportivo

• Amortece o impacto da pisada
• Anatómica: recolle o pé dentro da deportiva
• Material: poliéster, evalen performance gris, eva vermella e xel pelotte

Soleta Antiesvarante Xel. Para zapatos abertos

• Evita que o pé esvare polo zapato, fai efecto freada
• Gran fixación
• Material: poliuretano xel e lámina de silicona recubrindo o xel

Soleta Inverno. Para todo tipo de calzado

• Básica, suave e confortable
• Confort térmico
• Material: poliéster e látex con antibacteriano

Soleta media Talón pel. Para todo tipo de zapatos

• Axuda a manter máis alto o talón por necesidades específicas
• Máxima comodidade
• Material: pel de ovella grain árabe e pelotte látex talle 2

Protector talón. Para zapato cerrado

• Evita rozaduras e problemas na zona do talón
• Material: tecido poliéster e látex

Consellos de utilización das nosas soletas de calzado

A utilización destas soletas é moi sinxela, pero cabe destacar os seguintes consellos:

• O interior do zapato debe estar limpo e seco.
• Debes sacar a soleta orixinal do calzado antes de introducir a nova.
• Lavar á man.
• É frecuente a dúbida de cando cambiar a soleta. Isto depende do uso que lle deamos. En calquera caso, hai que substituíla en canto aparezan os primeiros signos de desgaste.
• Aconséllase extraer a soleta do zapato despois de usala, para aireala e secala, sobre todo, se o pé súa moito.

Como recortar as soletas?

Propoñémosvos dúas formas de recortar as soletas.

Opción 1: Sempre que sexa posible, é recomendable utilizar a soleta orixinal do calzado como “guía” para recortar a nova soleta. Para iso, teremos que:

• Sacar do calzado a soleta actual que teña nese momento.
• Poñela enriba da nova soleta que hai que recortar.
• Coas tesoiras, ir cortando a soleta con coidado. Desta forma, asegurámonos de que a nova soleta ten exactamente o mesmo tamaño que a soleta antiga.

Opción 2: Cando non sexa posible extraer a soleta antiga do calzado, recortaremos a nova soleta seguindo a liña de puntos que ten cada unha delas. Os pasos que hai que seguir serán os seguintes:

• Abrimos a bolsa da soleta.
• Pola parte de atrás das soletas, veremos unha liña de puntos xunto a uns números que corresponden aos diferentes talles de pé.
• Empezaremos a cortar con coidado (empezando pola punta da soleta) ata chegar á liña do noso talle de pé. Por exemplo: Para un talle 38, cortaremos a liña dos talles superiores (44, 43, 42, etc.) ata chegar ao 38.
• Cando cheguemos ao noso número de pé, xiraremos as tesoiras, primeiro cara a un lateral e recortaremos e despois cara ao outro lateral e recortaremos.
• NOTA: Hai algúns modelos de soletas que unicamente se recortan pola parte superior (punteira) e outros que se recortan de forma completa (punteira e talón). É moi fácil de recoñecelo, simplemente hai que fixarse no debuxo das liñas.
• Colocar coa parte de tecido cara a arriba, deixando a liña de puntos e a numeración cara a abaixo.

Recomendacións e advertencias

Posto que cada zapato e cada pé son diferentes, recoméndase coller unha soleta dun zapato que xa usásemos antes como patrón para recortar a nova soleta. Así facilitaremos a adaptación desta ao noso pé.

Tamén hai que ter en conta que hai soletas que, polo seu grosor, fan que o zapato quede máis apertado.

Importante: estas soletas son exclusivamente para contribuír ao confort e á comodidade dos pés, fan a pisada máis confortable e cómoda. Non están indicadas para corrixir nin solucionar ningún problema específico que poidamos ter na devandita parte da nosa anatomía.

Outras recomendacións

Sabes como limpar correctamente a túa lavadora por dentro? Ensinámosche!