Os pratos principais con carne son clásicos nestas datas do Nadal. A Carnicería de Mercadona suxíreche diferentes receitas para estas festas: lombo, cordeiro, polo de campo, tenreira, porco… con todo o sabor das carnes e todo o cariño e a dedicación que se pon na súa elaboración. Para que as compartas cos teus amigos e familiares nesta época do ano tan especial.

Consulta o paso a paso de todas estas receitas que che ofrece a Carnicería de Mercadona dende aquí:

O cordeiro é un dos pratos máis representativos do Nadal no noso país. Pensando nestas datas do Nadal propoñémosche unha preparación que posúe o sabor inconfundible e profundo dos bosques que lle achega a trufa negra. Esta Pa de Cordeiro Asada con Salsa de Trufas converterase no prato estrela das túas celebracións familiares.

Sigue o vídeo da receita de Pa de cordeiro Asada con Salsa de Trufas

Ingredientes para 4 persoas:

• 1 pa de cordeiro.
• 25 g de trufa.
• 1 cebola.
• 1 paquete de ceboliño.
• 50 g de manteiga.
• Media copa de brandy.
• Auga.
• Aceite de oliva.
• Pementa negra.
• Sal.

Paso a paso:

Se queres seguir o proceso paso a paso, aquí tes a elaboración completa desta saborosa receita.

1. Salpementar a pa e adobar en aceite.

2. Enfornar a pa durante 90 minutos a 180º.

3. Poñer un pouco aceite nunha tixola.​

4. Incorporar a metade da manteiga.

5. Rustrir a cebola moi picada.

6. Engadir a trufa picada, un pouco sal e o brandy.

7. Reducir o alcohol.

8. Engadir o zume do cordeiro e a manteiga restante.

9. Reducir segundo nos guste.

10. Servir coa salsa por enriba.

11. Decorar co ceboliño.

Outras recomendacións

A nosa sección de receitas pode ser moi útil para este Nadal. Bótalle unha ollada!

Para empezar as túas comidas e ceas nestas festas, nada mellor que a nosa selección de Afumados, Salgaduras e Conservas de Peixe.