Conforme nos metemos no outono apetecen cada vez máis os pratos de culler quentes, que nos alivian da baixada de temperaturas e nos preparan para recibir o inverno.

Presentámosche a nosa exquisita receita de Sopa Minestrone, elaborada fundamentalmente con verduras. Unha sopa tradicional, rica en sabores e combinacións de texturas, que podes preparar na túa propia casa. É moi fácil.

Sigue o vídeo paso a paso da Receita de Sopa Minestrone

Ingredientes:

• Verduras de tempada:
  • 2 troncos de apio
  • 1/2 cabaciña
  • 2 cenorias
  • 200 g de repolo
  • 12 tomates cherry
  • 1 porro
  • 50 g de feixóns verdes
• 1 óso de xamón
• 4 ovos
• 2 litros de caldo de verduras
• 3 culleradas de fabas vermellas
• ½ vaso de viño branco
• Alfábega
• 200 g de fideos gordos
• Queixo Grana Padano
• 2 dentes de allo

Paso a paso:

1. Cocer os ovos durante 4 minutos e reservar en auga fría.

2. Quentar o caldo de verduras co óso de xamón a lume moderado mentres preparamos as verduras.

3. Cortar en cadradiños o apio, as cenorias, os feixóns verdes, o repolo, a cabaciña, o porro e os tomates.

4. Picar o allo.

5. Refogar nunha tixola con aceite todas as verduras menos a cabaciña e os tomates.

6. Botar sal e pementa.

7. Engadir o viño branco e evaporar todo o alcohol.

8. Incorporar o caldo e cocer 5 minutos a lume moderado.

9. Engadir a cabaciña.

10. Cocer os fideos entre 11 e 13 minutos.

11. Apagar o lume e incorporar os cherrys e as fabas.

12. Servir sobre un ovo escalfado.

13. Esparexer queixo e decorar con follas de apio e alfábega.

Outras recomendacións

Se queres máis ideas para preparar comidas e ceas visita a nosa sección de Receitas.