Achégase a festa de Halloween e seguimos coa preparación de doces. Nestes días a cabaza é un dos elementos estrela en moitos fogares.

Cada vez son máis frecuentes os biscoitos de cabaza, á parte dos disfraces, das larpeiradas e da diversión a toneladas.

Para que gocedes ao máximo desta celebración propoñémosvos unha Receita de Biscoito de Cabaza recheo de marmelada de laranxa amarga. Ten unha textura esponxosa e un sabor que fará as delicias de pequenos e maiores. Está riquísimo e é ideal para toda a familia.

Ademais, ten un aspecto moi orixinal. Sorprende os teus invitados coa divertida decoración deste biscoito, que emula unha fantasmagórica tea de araña feita con chocolate derretido.

Sigue o vídeo paso a paso para elaborar esta Receita de Biscoito de Cabaza

Ingredientes para 4 persoas:

• 4 ovos
• 300 g de azucre branco
• 375 g de preparado de biscoito sen glute (inclúe lévedo)
• 25 g de manteiga sen sal
• 400 g de cabaza
• Marmelada de laranxa amarga
• 1 culleradiña rasa de canela moída
• 100 ml de aceite de oliva virxe extra
• Arandos
• 100 g de chocolate negro para fundir
• 750 g de chocolate branco para fundir

Paso a paso:

1. Cortar a cabaza en tacos.

2. Pintar o molde con manteiga e enfariñar, quentar o forno previamente a 180º.

3. Nun vaso mesturador engadir os ovos co aceite e co azucre.

4. Turbinar todo e engadir a cabaza, volver turbinar.

5. Poñer a mestura nun recipiente e agregar o preparado de biscoito sen glute (contén lévedo) coa canela. Mesturar todo ben.

6. Poñer toda a carga no molde e enfornar de 30 a 35 minutos. Transcorrido ese tempo pinchar para comprobar que está ben cocido, se está un pouco cru enfornar outros 5 a 10 minutos ata que estea ben.

7. Arrefriar o biscoito na neveira unhas 2 horas.

8. Cortar pola metade o biscoito unha vez arrefriado e estender a marmelada de laranxa, tapar e volver arrefriar.

9. Fundir o chocolate branco ao baño María, poñer o biscoito sobre unha reixa e bañalo co chocolate. Deixar que perda todo o chocolate sobrante.

10. Fundir o chocolate negro ao baño María, introducir o chocolate nunha manga pasteleira, deixar que tempere e formar a espiral para facer a tea de araña.​

11. Decorar cos arandos ou Chocolates Surtidos de Halloween ao gusto. (Podes decorar os chocolates facendo divertidos ollos con fondant).

Outras recomendacións

Xa tes a túa Bolsa de Xuxes e a túa Cabaza Halloween? Prepara ben todo o conxunto para que os máis pequenos o pasen estupendamente.