En verán apetece gozar dun Refresco, por que non facelo sen teres de pensar na dieta? Aproveita agora os novos Refrescos Gold Spring Sen Gas Cero de Mercadona. Unha deliciosa opción para calquera momento do día.
Escolle o teu Refresco Gold Spring Sen Gas Cero preferido
Os Refrescos Gold Spring non teñen gas e son Cero, porque non levan azucres engadidos. Unha escolla perfecta para te refrescares en verán e coidares a túa dieta ao mesmo tempo.
Todos os Refrescos Gold Spring Sen Gas Cero conteñen un 35% de zume. Para escolleres o que máis che gustar, tes dispoñibles 3 opcións de sabores diferentes:
- Sandía Gold Spring Cero: Un refresco en que o sabor da sandía invadirá cada refrescante grolo que tomes.
- Ananás-Coco Spring Cero: A opción máis tropical cun alto concentrado de zume de ananás e auga de coco.
- Fusión de Froitas Gold Spring Cero: Mazá, uva, arando e kiwi, nunha perfecta e deliciosa combinación de sabores.
Ademais, aproveitando que na época estival estas bebidas son máis apetecibles, agora podes adquirir os Refrescos Gold Spring de Sandía e Ananás-Coco en pack de 2 unidades, co que terás até 4 litros de saborosos refrescos para tomares en calquera momento do día.
Como gozar dos Refrescos Gold Spring Sen Gas Cero
Os Refrescos Gold Spring Sen Gas Cero son ideais para os meses de verán e pódense tomar na praia, na piscina ou nunha terraza na compaña de amigos e familiares.
Para alén diso, non conteñen glute, polo que é unha bebida apta para personas celíacas e, sobre todo, é saudable, quer polo seu concentrado de zume, quer tamén por non conter nada de gas, graxas nin azucres engadidos.
Os Refrescos Gold Spring Sen Gas Cero están elaborados por JGC LM S.A, na súa fábrica de Daimiel (Cidade Real), unha aposta máis de Mercadona polos produtos de empresas españolas.
Podes conservar os Refrescos Gold Spring Sen Gas Cero nun lugar fresco, protexido da exposición solar directa e de olores demasiado fortes.
Para gozares mellor deles recomendámosche tomalos fríos, axitalos antes de servir e despois mantelos de novo no refrixerador. Unha vez abertos, cómpre consumilos antes de que transcorran 5 días para gozar das súas propiedades e do seu inconfundible sabor.
Este verán escolle o teu Refresco Gold Spring Sen Gas Cero favorito e goza dunha bebida refrescante e deliciosa.
Outras recomendacións
Unha opción tamén moi sa e perfecta para dietas baixas en calorías ofrécena as Bebidas vexetais de Mercadona. Dispoñibles en avea, arroz ou améndoa.
Se procurares unha bebida refrescante, proba as novas Bebidas Frías con Leite de Mercadona, perfectas para calquera momento do día e con sabores tan atraentes como Cacao, Matcha Latte e Mango Lassi.
