Unha das tradicións culinarias máis populares en España son os compangos. O seu bocado perfecto e a súa infinidade de elaboracións, vólvenos moi apetecibles en calquera momento. O seu consumo orixinouse nos séculos XV e XVI cando o pan era o ingrediente básico para a poboación ao que lle engadían, segundo a época do ano, outros ingredientes dispostos un enriba do outro (‘aquilo que é comido con pan’), de aí o seu nome.
Compangos con ingredientes básicos
Hai moitas formas de variar a receita dos compangos, dependendo da rexión, dos alimentos de tempada e, sobre todo, da imaxinación que lle botes á hora de os elaborar.
En Mercadona preparamos dous compangos sinxelos con ingredientes doados de encontrar durante todo o ano nos nosos supermercados. Trátase do compango de sobrasada con queixo brie e mais eiruga, e o compango con queixo de cabra en rolo, cebola fritida crocante e prebe de mel e mostaza.
Mira este vídeo e descubrirás o sinxelo e rápido que é elaborar estes dous compangos de queixo que che propón Mercadona.
Ou sigue o noso paso a paso para preparares estes deliciosos compangos:
Compango de sobrasada con queixo brie e eiruga
Para catro persoas
Ingredientes:
- 1 terrina de sobrasada
- 1 taco de queixo brie
- 1 paquete de eiruga
- 1 barra de pan cortada
1. Unta o pan con sobrasada.
2. Engade unhas rodelas de queixo brie
3. Gratínao no forno até que colla unha cor dourada.
4. Retira do forno e engade a eiruga.
Compango de queixo de cabra con cebola crocante e prebe de mel e mais mostaza
Para catro persoas
Ingredientes:
- 1 rolo de queixo de cabra
- 1 bote de cebola fritida crocante
- 1 envase de prebe de mel e mostaza
- 1 barra de pan cortada
1. Pon o queixo de cabra sobre unha rebanda de pan.
2. Gratina no forno.
3. Engade o prebe de mel e mostaza
4. Esparexe a cebola fritida crocante.
Outras recomendacións
Tes unha cea na casa e queres completar o menú? Marida os compangos coa nova cervexa Roja de Mercadona ou descubre o falafel con tahina, unha opción orixinal para un menú máis exótico.
