Suxerímosche uns pratos de elaboración sinxela e rápida para completar a túa mesa de Nadal.

A túa mesa destas festas, deliciosa e atractiva

19 de decembro de 2019

Seguro que a estas alturas o tes case todo preparado para a túa mesa destas festas. Por se necesitas darlle un último toque aos teus menús de Nadal suxerímosche uns cantos pratos sinxelos e de elaboración sinxela e rápida. Verás como funcionan de marabilla ben sexa como entrantes, para picar, para alternar co prato principal, incluso de sobremesa nalgún caso.

Ademais, a presentación é moi atractiva e elegante, combinada cos nosos manteis desbotables. Tes variedade onde elixir, escolle os que máis che gusten. Failles un burato porque están deliciosos!

Pratos sinxelos e rápidos para a mesa de Nadal máis elegante

Texto 1 Imagen Mesa de estas fiestas

Torta de atún con ovo cocido e tomates cherry

Anímaste a preparar esta deliciosa torta? Sigue lendo!

Elaboración

  • Enchemos a masa untándoa co tomate frito.
  • Poñemos enriba 350 g de cherrys partidos á metade, o atún esmigallado, 2 ovos cortados en anaquiños e 150 g de olivas negras enteiras.
  • Metemos no forno a 220 ºC, de 15 a 20 minutos.
  • Sacamos, deixamos temperar e decoramos coa alfábega.

Torta de tomate, champiñóns, rúcula e queixo de cabra

Outra torta boísima para a túa mesa de Nadal. Próbaa!

Elaboración

  • Enchemos a masa untándoa co tomate frito.
  • Poñemos enriba o champiñón en láminas, cortamos o rulo de queixo de cabra en rodiñas finas e poñémolo tamén.
  • Metemos no forno a 220 ºC, de 15 a 20 minutos.
  • Sacamos, deixamos temperar e decoramos coa rúcula.

Croissant de follado de manteiga recheo de xamón cocido e mascarpone

Pon na túa mesa este croissant recheo, unha verdadeira delicia.

Elaboración

  • Cortamos a masa en porcións, enchémolas cun pouco xamón cocido e queixo mascarpone, envolvémola e dámoslle forma ao croissant.
  • Unha vez feito, untamos cun pouco ovo batido.
  • Metemos no forno a 220 ºC de 15 a 20 minutos.
  • Sacamos, arrefriamos e a comer: é tan doce coma salgado, serve tanto de aperitivo coma de sobremesa.

Texto 2 Imagen Mesa de estas fiestas

Polo asado recheo de xamón, queixo e ovo

De aspecto dourado na superficie, sabor e aroma típicos do polo asado. O sabor e a textura do recheo son característicos da carne de porco e ave que o compoñen e o xamón, queixo e ovo contidos nel.

Suxerímosche este exquisito puré de brócoli para acompañar o noso prato preparado de Polo asado recheo de xamón, queixo e ovo.

Elaboración

  • Poñemos a ferver o brócoli, uns 10 minutos.
  • Escorrémolo e triturámolo (máis ou menos segundo a textura que nos guste), e nunha cazola cunha pouca manteiga e sal mesturámolo todo.
  • Adornamos o prato cuns anacos de brócoli fervido que reservamos.

Polo asado recheo de cirolas, pasas e noces

De aspecto dourado na superficie, sabor e aroma típicos do polo asado. O sabor e a textura do recheo son característicos da carne de porco e ave que o compoñen e as cirolas, pasas e noces contidas nel.

Suxerímosche esta saborosa salsa de orellóns e ceboliñas acarameladas para acompañar o noso prato preparado de Polo asado recheo de cirolas, pasas e noces.

Elaboración

  • Poñemos a macerar unha ducia de orellóns e unha ducia de cirolas en media botella de porto unhas 5 horas.
  • Escorremos as ceboliñas e poñémolas en auga unhas 3 horas.
  • A outra media botella de porto poñémola ao lume para que se reduza xunto coas ceboliñas que xa perderon o sabor do vinagre, e engadímoslle unha cullerada de manteiga. Tardará de 15 a 20 minutos en reducirse.
  • Mesturamos as ceboliñas cos orellóns e coas cirolas maceradas (xa sen o porto), e servimos.

Viño Armónico Gran Selección

Combinación de Garnacha Tinta e Merlot. Excelente viño harmónico, equilibrado e sorprendente. É mineral e afroitado cunha textura sedosa.

Este viño de Terra Alta envelleceu en barricas de carballo francés e americano entre 3 e 6 meses, e acaba a súa crianza na botella ata que adquire o seu excepcional buqué.

  • Vista: Viño de capa alta e tons tella.
  • Olfacto: O seu aroma é complexo, cun equilibrio perfecto entre a froita madura e os tostados do seu paso por barrica.
  • Gusto: Na boca é intenso, mineral e con corpo.

Texto 3 Imagen Mesa de estas fiestas

Bandexa de lagostinos e gambas

Queres poñer na túa mesa un entrante típico destas festas? Sen dúbida, estes froitos do mar son os favoritos de moita xente. Á parte de ser realmente saborosos, a súa preparación é moi sinxela.

Ademais, deixámosche algunhas ideas para combinalos cos mini vol au vents.

Vol au vent de cenoria, cabaciña, gambas e coandro

Deixa que os teus invitados gocen con estes pequenos cestos de follado recheos.

Elaboración

  • Partimos en anacos a cenoria e a cabaciña moi picadiña.
  • Refogámolos tan só 2 minutos nunha tixola con moi pouco aceite.
  • Sacámolos e aliñámolos cunha culleradiña de vinagre, engadímoslle 12 gambas picadiñas.
  • Con este recheo enchemos os vol au vents.
  • Decorámolos cunha gamba enteira pelada e unha folliña de coandro. Cómese frío.

Vol au vent de lagostinos con xamón, mazá e bechamel

Outra variedade de recheo de vol au vent para chupar os dedos.

Elaboración

  • Pelamos 12 lagostinos, partímolos en anacos e poñémolos a macerar no viño branco uns 20 minutos.
  • Reducímolo ao lume deixando evaporar todo o alcohol.
  • Noutro recipiente fritimos anaquiños de xamón e a mazá en anaquiños moi pequenos.
  • Xuntámolo todo e bañámolos en bechamel.
  • Enchemos os vol au vents e coroamos cunha gotiña de bechamel.
  • Metémolo no forno a 220 ºC con só o grill para que gratine a gotiña de bechamel. Sacamos e comemos quente.

Outras recomendacións

Descubre a nosa selección de receitas especiais para este Nadal.