Mercadona, compañía de supermercados físicos e de venda en liña, iniciou un ano máis a súa campaña de Nadal cunha oferta variada de turróns de Hacendado para satisfacer as necesidades dos seus “Xefes” (que é como denomina os seus clientes). Para iso conta cunha oferta de aproximadamente 30 referencias de marca propia elaboradas polo Provedor Totaler Sanchis Mira de Xixona (Alacant) quen leva máis de vinte anos fabricando os turróns da marca Hacendado.

Nesta campaña mellorouse a textura dos distintos sabores, perfeccionando a uniformidade no torrado da améndoa no caso dos turróns da variedade duro e a cremosidade no seu turrón de chocolate crocante. Ademais, resultado do seu Modelo de Coinnovación, baseado en captar as necesidades dos seus “Xefes” intercambiando experiencias e probando distintos sabores con eles, lanzou nesta campaña como novidade o turrón de chocolate branco con limón para responder ás novas tendencias en canto a gustos dos seus clientes.

A pasada campaña a cadea vendeu máis de 5,3 millóns de quilos deste apreciado doce alacantino e este ano espera que tamén sexa unha boa campaña. Entre os máis vendidos dentro da oferta destacan o turrón de chocolate crocante Hacendado con máis de 65.400 unidades ao día xunto co da variedade branda con máis de 40.900 unidades.

Turróns de diferentes variedades no lineal de Mercadona.

Turrón de Chocolate Branco con Limón, unha das novidades en Mercadona.