Produktu gutxi izango dira Izozteko zip-poltsak baino praktikoagoak. Zip itxitura berezi horri esker, zure elikagaiek behar duten babesa dute, eta modu seguruan eta egoera ezin hobean kontserbatzen dira.
Duela gutxi, gainera, zenbait kalitate-hobekuntza egin dizkiogu produktuari, erabilgarriagoa izan dadin eta elikagaien propietateak hobeto kontserba daitezen. Hona hemen hobekuntzok.
Izozteko gure poltsen ezaugarri orokorrak
- Ezin egokiagoak dira askotariko elikagaiak izozteko (barazkiak, haragia, arraina, fruta, likidoak —saldak, kremak, e.a.—, plater prestatuak…). Bai eta lantokira edo eskolara sandwichak eta ogitartekoak eramateko ere.
- Lagungarri dira izotzak eragindako erreduretatik babesteko elikagaiak.
- Denbora luzeagoan mantentzen dituzte elikagaiak fresko.
- Zerrenda oso praktiko bat daukate, zer janari-mota den eta izozkailuan zein egunetan sartu duzun idazteko.
- Hainbat tamainatakoak daude. Horri esker, erabilera anitz izan ditzakete.
- Berrerabilgarriak eta birziklagarriak
Ezin hobeak dira askotariko elikagaiak kontserbatzeko eta izozteko, baina beste objektu batzuk gordetzeko eta babesteko ere erabil daitezke, hala nola:
- Jostailuetako pieza txikiak.
- Mugikorra hondartzan edo igerilekuan, harea edo hezetasuna sar ez dakion.
- Hegazkinez joan behar dugunean likidoak eskuko ekipajean eramateko, eta abar
Zer kalitate-hobekuntza egin zaizkie izozteko zip-poltsei?
- Orain, erabat hermetikoak eta erresistenteak dira. Gainera, metodo gehigarri bat dute, “klik” soinua ateratzen duena, zeinari esker ziurta baitezakezu poltsa ondo zigilatuta dagoela beti, batere likidorik galtzen ez duela eta zaporea eta freskotasuna luzeago kontserbatzen direla.
- Lehen, zailagoa zen zip itxitura ahokatzea. Orain, berriz, ondo zigilatuta geratzen dira beti, eta horregatik dira hain erosoak.
- Poltsaren ahoa zabalagoa denez orain, hobeto sartzen da janaria.
Erabilera-gomendioak
- Poltsa irekitzeko, jarri bertikal. Banandu goiko hegalak esku banarekin, eta ireki poltsa pixkanaka.
- Poltsa ixteko, zapaldu sendo itxiturak elkarren kontra, eta ertz batetik hasita irristatu hatzak bi itxituretatik. “Klik” entzutean, poltsa ondo zigilatuta dagoela jakingo duzu.
- Poltsa izozkailuan sartzen duzunean, utzi lehenengo elikagaiak hozten, ez bete poltsa goraino eta kanporatu aire guztia poltsa itxi aurretik, ez dadin ireki gero desizozten duzunean.
- Mikrouhin-labean sar daitezke elikagaiak desizozteko.
Kontuan hartu beharrekoak
- Itotzeko arriskua saihesteko, ez utzi poltsarik 3 urtetik beherako haurren eskueran. Ez erabili sehaskan, ohean edo haur-kotxean.
- Irekitzean, ez egin indar handiegia. Gerta liteke poltsa haustea edo barrukoa ateratzea.
- Mikrouhin-labean erabil daitezke, baina elikagaiak desizozteko bakarrik, ez janaria prestatzeko. Ziurtatu itxitura pixka bat irekita dagoela, eta kontsultatu mikrouhin-labearen eskuliburua, nola erabili behar duzun jakiteko.
- Ez da egokia labe konbentzionaletarako.
Izozteko gure zip-poltsak erabiltzeko trikimailu batzuk
1. trikimailua: izozkailuan lekua optimizatzea
Idatzi errezetaren izena poltsaren zerrendan, bete eta itxi hermetikoki. Sartu poltsa izozkailuan eta ipini horizontal. Janaria izoztu denean, jarri poltsa guztiak bertikal. Hala, toki gehiago izango duzu izozkailuko gauzak antolatzeko, eta, bide batez, hobeto ikusiko duzu poltsen edukia, ez baitu batak bestea estaliko.
Beste gomendio batzuk
Kozinatu ondoren janaria sobratzen bazaizu, plater gustukoenak izoztu ditzakezu; adibidez, tankera honetako pasta-entsalada bat edo kalabaza- eta dilista-krema bat.
Bazenekien garbiketa-ozpina oso garbitzaile ahaltsua dela eta gauza asko garbitzeko erabil daitekeela? Gainazal askotarikoak garbitzeko erabiltzen da, eta jatorri % 100 naturaleko produktu oso eraginkor bat da.