Mercadona supermerkatu fisikoen eta onlineko salmentako konpainiak, produktu freskoen eta, zehazki, hurbileko fruta eta barazkien alde egiten duenez, 2020an Espainiako 7.000 tona kaki inguru erosteko aurreikuspena du, iaz baino % 10 inguru gehiago, 6.000 tona izan baitziren 2019an.

Kakia konpainiak dituen 1.600 dendatara baino gehiagotara iristeko, Valentziako bigarren mailako Anecoop kooperatibaren lankidetza du. Anecoop-ek kakia hornitzen dio L’Alcudiako Nuestra Señora del Oreto kooperatiba, Carleteko San Bernat kooperatiba eta Llombaiko Marquesado kooperatibaren bidez, kanpainak irauten duen denbora guztian, hau da, urritik urtarrilaren erdialdera.

Garaiko fruta eta barazkiak

Konpainiak bat egiten du Nekazaritza, Arrantza eta Elikadura Ministerioaren “Garaiko fruta eta barazkiak” ekimenarekin. Era berean, Mercadonak bidezko merkataritza-jardunbideak defendatzen ditu, eta urteak dira Merkataritzako Jardunbide Egokien Kodearekin bat egin zuela elikadura-kontratazioaren alorrean. Borondatezko akordio hori beste urrats bat da bidezko merkataritza-jardunbideak sustatzeko; akordioa Elikadura-katearen Funtzionamendua Hobetzeko Neurrien Legearen esparruan biltzen da, eta Nekazaritza, Arrantza eta Elikadura Ministerioak (MAPA) sustatua da, Espainiako nekazaritzako elikagaien elkarte batzuekin eta besteekin lankidetzan.

Espainiako kakia, Mercadonaren linealean.