Mercadona supermerkatu fisikoen eta onlineko salmentaren konpainiak bere denda guztietan jarriko ditu salgai % 100 xilitol edulkoratzailea duten txikleak, Castelló, Teruel, Tarragona eta Lleidako 100 dendatako salmentetan izandako arrakastaren ondoren, han bakarrik jarri baitzituen salgai hasieran. Supermerkatu-kateak, zeinak txikle horien 30.000 ale saldu baititu salgai jarriz geroztik, aurreikusi du uztailaren erditik aurrera bere supermerkatu guztietan (1.600 baino gehiago) egongo dela salgai produktu berri hau.

% 100 xilitola duten Mercadonaren txikleen ezaugarri nagusia da xilitola bakarrik erabiltzen dutela edulkoratzaile gisa, landare-jatorriko osagai bat, artotik edo urkitik ateratzen dena. Txikle horien konposizioan ez dago beste edulkoratzailerik; beraz, egokia da fruktosarekiko intolerantzia dutenentzat eta fenilalanina izeneko aminoazidoa behar bezala prozesatu ezin dutenentzat.

Berrikuntza hau erantsi diogu Chic-kles Gum S.L.U. Totaler Hornitzaileak Hacendado markarekin Ribarroja del Turiako (Valentzia) instalazioetan egiten duen gainerako txikle-sortari.

% 100 Xilitol edulkoratzailea duten txikleak Mercadonaren linealean.