Gabonak igaro eta errutinara itzuli garenez, komeni da zaintzea eta ohitura osasungarriak hartzea. Gari-talotxo % 100 osokoak aukera ona dira horretarako. Gainera, oso goxoak dira, eta prestatzen errazak.

Ezin hobeak dira familiako bazkari eta afarietarako. Biribilkatuta edo tolestuta eta nahieran beteta (osagai gozoz edo gaziz) jan ditzakezu, edo mikrouhin-labean edo zartaginean berotuta. Pizza finaren oinarri gisa ere erabil ditzakezu, edo bustitzeko ogi gisa edo gehien gustatzen zaizun platerari laguntzeko...

Hobekuntzak produktu honen kalitatean

Ikusi zer hobekuntza egin ditugun produktu honen kalitatean:

• Gari-irina eta zahia erabili beharrean, gari-irin % 100 osokoa erabiltzen hasi ginen.
• Ekilore-olioa erabiltzen hasi ginen.

3 errezeta Gari-talotxo % 100 osokoekin

Talotxo % osokoa izokin ketuarekin

Osagaiak

• Izokin ketua.
• Ezamihilua.
• Errukula.
• Ahuakatea.
• Lima.
• Tipulina.
• Gazta freskoa.
• Oreganoa.
• Gari-talotxo % 100 osokoa.

Prestatzeko modua

• Moztu talotxoa luzetara erdialdetik kanporantz.
• Talotxo-zirkunferentziaren laurdenetako batean, jarri errukula pixka bat.
• Txikitu ahuakate-zati bat sardexkarekin, maneatu limarekin, eta hautseztatu tipulin txikitu pixka bat. Jarri nahastea talotxoaren beste laurden batean.
• Zabaldu izokin ketua talotxoaren hirugarren laurdenaren gainean, eta maneatu ezamihiluarekin.
• Jarri gazta freskoaren zati batzuk azken laurdenaren gainean, eta hautseztatu oreganoarekin.
• Itxi talotxoa: errukula ahuakatearen gainean, gero izokinaren gainean, eta, azkenik, gaztaren gainean.
• Markatu plantxan 2 edo 3 minutu alde bakoitzetik, eta gozatu.

Osoko pizzeta barazkiekin

Osagaiak

• Tomate naturala.
• Mozzarella gazta arraspatua.
• Berenjena.
• Kalabazina.
• Txanpiñoiak.
• Piper gorria.
• Gari-talotxo % 100 osokoa.

Prestatzeko modua

• Zabaldu osoko gari-talotxoa labe-paper baten gainean.
• Gehitu tomate birrindu naturala. Estali mozzarella gazta arraspatuarekin.
• Moztu kalabazina, berenjena, txanpiñoia eta piperra xerra oso finetan. Egin zati txikiak, eta jarri pizzetaren gainean.
• Sartu labean 5 minutuz, 220 °C-an aurrez berotuta.

Oilasko-kono osokoak eta gazta-krema

Osagaiak

• Oilasko-izterra edo -izterrondoa, hezurrik gabe.
• Uraza.
• Cherry tomateak.
• Gazta-krema lighta.
• Gustuko belarrak.
• Gari-talotxo % 100 osokoa.

Prestatzeko modua:

• Zabaldu osoko talotxo bat, eta bildu, kono-forma emanez. Erabili zotz bat konoak tinko iraun dezan. Sartu labean 10 minutuz 200 °C-an. Kontrolatu konoa ez dela deformatzen, ez dela erretzen eta kurruskari dagoela.
• Plantxan, erre oilasko-izter edo izterrondo hezurgabetua, eta gorritu erabat kozinatu arte. Zatitu labanarekin, eta gorde.
• Igurtzi konoaren barrualdea gazta-krema lightarekin. Hautseztatu gustuko belar usaintsuekin (oreganoa, ezkaia, ezamihilua…).
• Bete barrualdea letxuga fin moztuarekin, cherry tomate erdibituekin eta oilasko zatituarekin.

Beste gomendio batzuk

Probatu al duzu Cereal Mix, % 100 naturala? Kalitate goreneko zerealen nahaste goxo bat da, azukre erantsirik gabeko uneetarako egokia.