Eguzkitik babesteko Mercadonaren produktuek zure azala zainduko dute, nonahi zaudela ere, eguzkiaz gozatzen duzun bitartean.

Eguzkitik babesteko Mercadonaren produktuak

2018ko ekainaren 21a

Zaindu zure azala eguzkitik babesteko Mercadonaren produktuen bidez. Aukeratu zure babes-mota: krema, fluidoa, espraia, olioa eta barra. Nonahi babestu behar duzu zure azala: hondartzan eta igerilekuan ez ezik, baita paseatzera irteten zarenean edo terraza batean esertzen zarenean ere. Gozatu eguzkiaz nonahi eta noiznahi!

Nola erabili eguzkitik babesteko Mercadonaren produktuak

  • Uniformeki eman eguzki- babesa, eguzkitan jarri baino 30 minutu lehenago, gutxienez.
  • Berriro eman bi orduz behin, edo bainatu, izerditu edo toallarekin lehortu ondoren.
  • Ez ipini eguzkitan 12:00etatik 16:00etara.
  • Arreta berezia ipini gorputzeko alderik sentikorrenetan (sudurra, belarriak, sorbaldak, garondoa eta oinak), eta erabili eguzkitako betaurrekoak, arropa eta kapela.
  • Hautatu zure larruazal-fototipoarentzako eguzkitik babesteko faktore (FPS) egokia:

- 1 fototipoa: Begi eta ile argiak eta larruazal oso zuria. FPS 50+ babes oso altua.

- 2 fototipoa: Begi urdinak eta arreak, ile horia edo gorria, eta larruazal zuria. FPS 50+/30 babes oso altua - altua.

- 3 fototipoa: FPS 50+/30 babes oso altua - altua.

- 4 fototipoa: Begi eta ile ilunak. Larruazal zuria edo ez oso beltzarana. FPS 30-20 babes altua - ertaina.

- 5 fototipoa: Larruazal beltzarana. FPS 20-15 babes ertaina.

- 6 fototipoa: Larruazal oso iluna edo beltza. FPS 15 babes ertaina.

Edozein zalantza izanez gero, galdetu zure medikuari.

  • Eman behar adina krema. Aurpegirako neurria: hatz baten luzerako krema-lerro bat, edo espraiaren sei botaldi. Gorputzaren gainerako lekuetan, bi krema-lerro edo espraiaren 12 botaldi gune hauetako bakoitzean: sorbalda eta besoa, bularra, sabelaldea, hankaren aurreko aldea, hankaren atzeko aldea, bizkarraren goiko aldea eta bizkarraren beheko aldea.
  • Babestu zure azala kanpora atera aurretik, baita gerizpean zaudenean eta eguna lainotuta dagoenean ere.

Babestu eguzkitik, nonahi zaudela ere!

Eguzkitik babesteko Mercadonaren produktuen kalitatea

UVA eta UVB erradiazioetatik babesten dute azala produktu horiek, Europako araudiari jarraikiz betiere. Bestalde, azal-mota guztietara egokitzen diren testura desberdinetan saltzen dira.

Beste gomendio batzuk

Hidra & Go! body milk esprai berriak egunero hidratatzen du zure azala, itxaroten denborarik galdu gabe. Urpean hidratatzeko, berriz, proba ezazu dutxarako Deliplus gorputzeko hidratatzailea eta freska zaitez azala zaintzen duzun bitartean.