COOKIEEN OHARRA

Webgune honek cookieak baliatzen ditu, propioak eta hirugarrenenak, nabigazioa segurua izateko, webgunera egindako bisiten analisi estatistikoa egiteko eta zure portaera ezagutzeko. Informazio gehiago behar izanez gero, ikusi gure COOKIEEN POLITIKA. Cookieak erabiltzea onartzeko, sakatu "ADOS" edo Konfiguratu/Ukatu horien erabilera "KONFIGURATU / UKATU" atalean.

Pepinoa, fruta izoztuak, limoia eta mendafina duten izotz-puskak prestatzeko aholkuak.

Pepinoa, fruta izoztuak, limoia eta mendafina duten izotz-puskak

2018ko abuztuaren 14a

Ukitu berezi bat eman nahi al diezu zure izotz-puskei? Ikasi nola egin, urratsez urrats, izotz-puska gozo hauek zure zuku, konbinatu eta kokteletarako (mojitoak, adibidez), edo gazpatxo fresko-fresko baterako.

Ikasi nola prestatu pepinoa, fruta izoztuak, limoia eta mendafina duten izotz-puskak, eta harritu zure familia eta lagunak.

Ikusi izotz-puskak prestatzeko aholkuen bideoa.

Pepinozko izotz-puskak egiteko osagaiak:

  • 1 pepino
  • Ura

Nola prestatu pepinozko izotz-puskak:

  1. Xehatu pepinoa, zati txikitan.
  2. Ipini pepino xehatua izotzontzi batean.
  3. Ura gehitu.
  4. Izozten jarri.

Primerakoak dira pepinozko izotz-puskak gazpatxoari laguntzeko, denbora gehiagoan edukitzen baitute fresko, eta zapore berezia ematen.

Fruta izoztuzko izotz-puskak egiteko osagaiak:

  • Hacendado fruta gorri izoztuen nahastea
  • Hacendado mango izoztua, kubotan
  • Hacendado marrubi izoztu osoak
  • Ura

Nola prestatu fruta izoztuzko izotz-puskak:

  1. Ipini fruta izotzontzi batean.
  2. Ura gehitu.
  3. Izozten jarri.

Ukitu originala eta sortzailea emango diote fruta izoztuzko izotz-puskek zure koktelei eta zukuei. Etxean gonbidatuak baldin badituzu, ezin egokiagoa.

Limoizko eta mendafinezko izotz-puskak egiteko osagaiak:

  • Mendafina
  • Limoi-zukua
  • Ura

Nola prestatu limoizko eta mendafinezko izotz-puskak:

  1. Ipini mendafin ebakia xehatzeko makinan.
  2. Gehitu limoi-zukua.
  3. Gehitu ura (limoiaren bolumen bera).
  4. Xehatu dena.
  5. Ipini izotzontzian.
  6. Izozten jarri.

Mojito baten lagungarri bikainak dira limoizko eta mendafinezko izotz-puskak.

Baliatu aholku horiek eta prestatu izotz-puska originalak: harrituta utziko dituzu senideak eta lagunak, eta zapore berezia emango zure jakiei eta edariei.

Beste gomendio batzuk

Egoki-egokiak dira limoizko eta mendafinezko izotz-puskak udako plater fresko eta gozo honetarako ere: meloizko gazpatxoa.

Hona izotz-puskekin egin daitekeen beste errezeta original bat: sandia-gazpatxoa, limoi- eta jengibre-kubotxoekin. Zapore aparta du, eta izugarri gustatuko zaie zure senideei eta lagunei.