Lasagna beganoa prestatzeko gure errezeta duzu hau, barazkiak jateko beste modu bat. Goxo-goxoa da, ikusiko duzu. Egoki-egokia udaberriko zure bazkari eta afarietarako.
Platera zaporetsu honek osagai hauek guztiak ditu: berenjena, txanpiñoiak, orburuak eta tomatea, irin integralez, almendra-edariz eta perretxikoz egindako bexamelarekin, eta almendra- eta hur-estaldura batekin.
Lau lagunentzako errezeta goxo-goxoa eta erraz prestatzekoa da; 45 minutu inguru beharko dituzu prestatzeko.
Ikusi bideoan, pausoz pauso, lasagna beganoa prestatzeko errezeta
4 lagunentzako osagaiak:
- 2 berenjena
- 2 Kanarietako tomate
- 250 g Orburu-bihotz izoztuak
- 350 g txanpiñoi xerratu
- 20 g pinazi iberiko
- 20 g almendra eho
- 25 g hur txigortu
- Oreganoa
- Gatza
Perretxiko-bexamelarentzat:
- 50 g gari-irin integral
- Oliba-olio suabea
- 1 litro almendra-edari (azukre gehigarririk gabea)
- Perretxiko izoztuen salteatua
Pausoz pauso:
Errezeta goxo hau egiteko prozesuari pausoz pauso jarraitu nahi badiozu, hemen dituzu xehetasun guztiak:
1. Moztu berenjena xerra finetan, eta utzi gatzetan 20 bat minutu. Erre plantxa batean, belztu gabe.
2. Sueztitu txanpiñoiak pixka batean, eta bota gatza.
3. Jarri ura irakiten, bota gatza, eta egosi orburuak 15-20 minutuz.
4. Utzi hozten, eta xerratan moztu.
5. Salteatu pinaziak, baina ez utzi belzten
6. Erantsi orburu-xerrak.
7. Jarri oliba-olioa laberako azpilean, eta apailatu pixkanaka geruza hauek: lehenengo, berenjena, azpian.
8. Txanpiñoiak.
9. Orburuak pinaziekin.
10. Tomate gordina, xerratan moztua, eta, gainetik, oreganoa duela. Ordena berari jarraituz, jarri osagai guztien beste geruza bat.
11. Bexamela prestatzeko: Jarri zartagin batean, su motelean, bi koilarakada oliba-olio, gatza eta 50 g irin integral.
12. Nahastu ondo, eta erantsi pixkanaka almendra-edaria, bexamela egin arte.
13. Desizoztu eta salteatu perretxikoak, produktuan adierazi bezala.
14. Xehatu perretxikoak eta nahasi bexamelarekin, arin samar gelditzen den arte.
15. Bota bexamela lasagna-orrien gainean, ondo estaliak gelditzen diren arte.
16. Xehatu almendrak eta hurrak (50 g inguru, bien artean), eta bota lasagnaren gainetik.
17. Sartu labean, 180 ºC-ra (aurrez berotu labea) eta goiko eta beheko aldeak aktibatuta, gaineko geruza gorritzen den arte.
Beste gomendio batzuk
Barazkiak jateko era originalak atsegin badituzu, probatu beste errezeta hau: Kuiatxo-kiribilak, pistatxo-pestoarekin. Izugarri gustatuko zaizu!