Ohitura berriekin hasi baduzu urtea, errezeta bikain bat dugu zure bazkari eta afarietarako: barazki-zopa eder bat, neguko hotzari aurre egiten eta udaberriko eta udako hilabeteetarako prestatzen laguntzeko.

Kale, bimi eta letxugarekin eta gazta fresko irabiatu gaingabetuarekin egindako zopa hori aukera ezin hobea da barazkiak kontsumitzeko —ezinbestekoak dira osasuntsu egoteko—.

Kale-, bimi- eta letxuga-zopa prestatzeko, jarraitu bideoko urratsei:

4/6 lagunentzako osagaiak:

• Tipula-laurden bat.
• 1 baratxuri-atal.
• 200 g kale
• 200 g bimi
• Iceberg letxugaren erdia.
• 3 koilarakadatxo gazta fresko gaingabetu.
• Piperbeltza (askotarikoak).
• Oliba-olio birjina estra.
• Gatza.
• Ur minerala.

Pausoz pauso:

Prozesua pausoz pauso ikusi nahi baduzu, hona hemen errezeta goxo hau prestatzeko azalpen guztiak.

1. Egosi kalea 12 minutuz.

2. Egosi bimia ere, 7 edo 8 minutuz.

3. Garbitu barazkiak, eta sartu letxuga erdia litro eta erdi ur mineral irakinetan minutu batez.

4. Gorde bimi-zurtoin egosiak eta moztu zatitxotan.

5. Tipula txiki-txiki egin.

6. Baratxuria xehatu.

7. Lapiko batean, bota zorrotada bat olio, eta erregosi tipula eta baratxuri xehatuak su ertainean.

8. Irabiagailu amerikarrean, letxuga, kalea eta bimia xehatu, egosi ondoren geratu den urarekin batera.

9. Nahastu lapikoan tipula eta baratxuriarekin, eta bota gatza eta piperbeltza.

10. Bota bi koilarakada gazta irabiatu, eta utzi egosten su motelean 5 bat minutuz. Zopa likido baten eta krema baten arteko erdibidean geratu behar du.

11. Zerbitzatu katilu batean eta gehitu koilarakada bat gazta, zorrotada bat olio, piperbeltz pixka bat eta bimi-zatitxo kurruskariak.

Beste gomendio batzuk

Probatu duzu ahuakate olioa? Ezin egokiagoa da entsaladak, kremak eta abar ontzeko.