Hona hemen errezeta gozo-gozo bat, zure menuak osatzeko egokia. Indioilar-azpizuna laranja-saltsarekin, kalabazarekin eta jengibrearekin. Hara hor zapore-konbinazio originaleko plater bat: Indioilarkiaren zapore suabeak kontrastea egiten du laranjaren zapore zitrikoarekin eta jengibrearen ekialdeko ukituarekin.
Bigarren platererako proposamen ezin hobea da, urteko garai honetan prestatzeko egoki-egokia. Gozo-gozoa, eta Mediterraneo-zapore izugarria du.
Ikusi bideoan, urratsez urrats, indioilar-azpizuna laranja-saltsarekin, kalabazarekin eta jengibrearekin prestatzeko errezeta:
2/4 lagunentzako osagaiak:
- 2 indioilar-azpizun
- Laranja-atal bat plater bakoitzeko.
- Laranja-azal birrindua.
- Laranja erdiaren zukua.
- 50 g kalabaza, laukitxotan moztuta, pertsona bakoitzeko.
- 10-15 g jengibre
- 1 koilarakada irin
- Ezkaia.
- Oliba-olioa
- Piperbeltza (askotarikoak).
- Tipulina.
- Gatza.
Pausoz pauso:
Prozesuari pausoz pauso jarraitu nahi badiozu, hona hemen errezeta goxo hori prestatzeko azalpen guztiak.
1. Moztu laukitxotan kalabaza (50 g pertsonako).
2. Salteatu.
3. Birrindu jengibrea.
4. Egin laranja erdiaren zukua.
5. Txikitu laranja-azalaren zati bat.
6. Egin saltsa bat su txikian, jengibrearekin, laranja-azalarekin eta zukuarekin. Bota gatz pixka bat eta koilaratxokada bat irin.
7. Urritu saltsa su motelean.
8. Erre parrillan indioilar-azpizunak.
9. Bota gatza eta piperbeltza, eta gehitu ezkaia.
10. Jaitsi sua eta estali 10 minutuz.
11. Platerean jarri, laranja-atalarekin, kalabaza-laukitxoekin eta tipulinarekin apainduta.
Espainiako laranjen Mercadonaren kanpainari buruz gehiago jakiteko, irakurri artikulu hau.
Beste gomendio batzuk
Ikusi egun osorako ohitura berrien gure proposamena; plater hau eta beste plater orekatu eta gozo batzuk aurkituko dituzu.
Mediterraneoko zaporea duen beste errezeta bat ikusi nahi baduzu, probatu hau: Baserriko oilaskoa, baratxuriarekin eta limoiarekin.