Planeta zaintzen jarraitzeari bai esatea Animalien Ongizateari bai esatea da. Horregatik, Mercadonak bere hornitzaileekin lanean dihardu abeltegiko animalien segurtasuna eta ongizatea bermatzeko eredu eraginkor eta jasangarriagoen bidez.
Nola bermatzen dugu Animalien Ongizatearen babesa?
Animalien ekoizpenean Animalien Ongizaterako onetsitako estandar guztiak bete daitezen, Mercadonak Animalien Ongizateko ziurtagiria eskatzen die animalia-jatorriko produktuen (adibidez, haragia, arrautzak eta esnea) muntaketa-kateko kate-maila guztiei.
Hala, bermatzen dugu bai abeltzaintza-ustiategiek (abeltegiak), bai garraioak eta bai hiltegiek animalien eskubideen 'funtsezko bost askatasunak' betetzen dituztela:
- Egarririk, goserik eta malnutriziorik ez: animaliek eskura izan behar dute ura eta haien premietara egokitzen den dieta bat.
- Estres fisikorik eta termikorik ez: eguraldi txarretik babestutako ingurune batean bizitzea eta atsedenleku eroso bat izatea.
- Beldurrik eta estutasunik ez: sufrimendu mentala saihesteko behar diren kondizioak bermatzea.
- Jokabide normalak adierazteko askatasuna: beharrezko tokia, instalazio egokiak eta espezie bereko beste indibiduo batzuen konpainia izatea.
- Minik, lesiorik eta gaixotasunik ez: prebentzio egokia eta diagnostiko eta tratamendu bizkorrak.
Animalien eskubideen funtsezko bost askatasun.
Animalien Ongizateko zer ziurtagiri ditugu gaur egun?
Animalien Ongizatea bermatzeko funtsezko zenbait parametro kontuan hartzen dituzte hainbat ziurtagirik, eta kanpoko erakundeek urtero ikuskatzen dute haien betetze-maila.
Gaur egun, Animalien Ongizateko 7 ziurtagiri ditugu, ondoren azalduko dugunez:
Mercadonak baliozkotutako Animalien Ongizateko ziurtagiriak.
Mercadonak kontu handiz aztertzen du ziurtagiri bakoitza, eta Animalien Ongizaterako gure parametro tekniko eta irizpide propioen arabera baliozkotzen ditugu, betiere etengabeko hobekuntza bilatzen dugula.